الكرشة المحشية بطريقة بتشهي 😍 أول إشي بجيب الكرشة منظفة، وبغسلها منيح بملح وليمون أكتر من مرة لحد ما تروح أي ريحة وأتأكد إنها صارت نظيفة. للحشوة: وقية لحمة وبفرم بصل وبقدونس (بس بدون ما أكتر)، وبضيف رز، حمص، ملح، فلفل أسود، بهار رز أو بهار لحمة، رشة هيل، ومعلقة صلصة اختياري. المهم ما نكتر لا بهارات ولا خضرة، وبنخلط كل المكونات مع بعض. بعدها ببلش أحشي الكرشة وبخيطها منيح، وبرتبها بالطنجرة. بضيف بصلة، ورق غار، حب هيل، وبهارات صحيحة، وبغمرها بالمية مع الملح، وبخليها تستوي على نار هادية حوالي ساعة ونص إلى ساعتين، حسب نوع الكرشة. أنا كمان عملت جنبها كوارع خروف. غسلتها منيح، وحطيتها تتسلق مع بصلة، ورق غار، حب هيل، بهارات صحيحة وملح، لحد ما استوت وصارت طرية. بتقدروا تقدموا الكرشة زي ما هي، أو تعملوا عليها فتة غزاوية بنفس المرقة، وأنا كمان عملت شوربة خضار، وآخر إشي حطيت فيها كم قطعة كرشة، وطلعت زاكية كتير على الطريقة الليبية أو الجزائرية. صحتين وعافية عليكم جميعًا ❤️ #كرشة #كرشة_محشية #كرشة_مبارة #طبخ_فلسطيني #أكلات_شعبية - @chef.derin