@waqaswazir309: غزل... نور مې مه پوښته له حاله چې له کوم لوري راځمه زۀ لار ورکے دَ ازل يم خپله ورکه لــــــــــــــــــټومه ما ته مه ښيه دَ هيلو پۀ سراب کښې دريابونه زۀ له ژونده تښتېدلے خپل وجود کفن کومه دا خو تا راته ليکلې پر تندي يوه سجده ده اوس دَ خټو دَ خدايانو سجدې څنګه ومنمه پۀ لحد کښې به نارې کم چې منکر پر وعده نه يم یوه مينه دَ جانان ده نورې مينې سوځومه زۀ قسمت باغوان پيدا کړم پر ګلونو ئې شيدا کړم دَ خپل زړۀ پۀ تورو وينو بڼ دَ سرو ګلو روزمه چې له غېږ دې یم شړلے مځکې نه يمه منلے اوس به چا ته اوښکې توے کم اوس به کوم لوري ته ځمه زړۀ مې شين دے له ذاهده دَ خلوت له کوډ ګريو نن ورځمه دا روژه مې پۀ سرو ميو ماتومه دلته اُور دَ ژوندون مړ دے دلته ګرمه وينه نشته ځم لمبې ځانته کرمه ځم زردشت راپاڅومه زۀ پانوس يم زړۀ مي شمع جهاني رنګه بلېږم هم تياره پۀ لمبه سوځم هم مې ځان کبابومه عبدالباري جهاني ❀───────────────────❀ دلته اُور دَ ژوندون مړ دے دلته ګرمه وينه نشته ځم لمبې ځانته کرمه ځم زردشت راپاڅومه #waqaswazir309 #pashtosong #unfrezzmyaccount #viraltiktok #aveeplayer