كنت خاطب إنسانة والإنسانة دي فترة الخطوبة حبتني شديد، وعرفت إنو إنسان حقيقي وعايزها بجد عشان أتقدمت ليها من غير لف ودوران، وكانت كويسة ورقيقة جدًا في التعامل ومحترمها جدًا ومقدر وجودها في حياتي سافرت عشان أشتغل واجيب حق الزواج، وطالت الغربة وكان واعدها بأنه أغترب سنة وحدة واعود لحضن البلد ونتزوج، المهم خطبتها وبقى بينا التلفون، طالت السنة ولسة ما جهزت نفسي ولا لقيت القروش البتكفيني أتزوج، قلت ليها لازم ازودها سنه تاني، لأنو حصلت لي ظروف تانية فقالت لي ما عندها مشكلة وح تصبر! في الفترة التانية دي مشغولياتي بقت كتيرة وما متواصل معاها كتير زي الأول، ما عشان انا ما عايزها، لا لا عشان انا ما لاقي زمن حتى لنفسي مع ضغوطات الشغل! غبت عن الشبكة حوالي 3 شهور وكنت في مهمه بتخص الشغل وكلمتها اني ح أغيب بعد رجعت من المهمة وشبه فضيت فاجئتني وقالت لي اخوي ح يخطبني لي صحبه، ونحن لازم نفركش يا ، لأنه خطبة علي خطبة ما بتجوز دينيًا وانا ما عايز أدس عليك والقرار دا طلع وانا مجبورة ومقهورة عليه! كيف يعني تخطبي وانا خاطبك! قالت لي عشان كدة انا عايزة موافقتك أول وتاني أخطب من جديد قلت ليها وانتي راضية؟ قالت لي انت اغتربت وانا انتظرتك كتير والله، ونفسياتي تعبانه الفترة دي وما بقدر اتناقش معاك في الموضوع ده فقلت طال ما انها هي عايزة كدة فحتى لو انا اتزوجتها ما ح يحصل توافق وانا لازم اقفل الباب دا لحد هنا، فاضطريت وأتجبرت اوافق، فقلت ليها خلاص ربنا يسعدك! وقفلت علي كدة (بطول الزمن اكتشفت انه في غيابي اتقدم ليها واحد بعرفو وعارف انها خطيبتي وهو وضعه المادي كويس، واخوها ما عنده اي دخل في الموضوع، عايزة ترمي الشر عليه) الولد اللي خطبها جاء بنفسه وكلمني وقال لي اعفي لي، وعفيت ليه وما شلت في قلبي، لأنه كل انسان بيعرف المكان البرتاح فيه ودي ما حاجة الزول بيعارض فيها، وهي اللي أختارته في نفس السنة انا نزلت السودان، وهم لسة ما اتزوجو لحسن الحظ، الود العايز يتزوجها اعلن الزواج بعد فترة قصيرة من انا نزلت وعزمني كمان، وقلت ليهوأبشر وبأذن الله حضور جاء يوم زفافها ومشيت! جيت وحضرت العقد زي الفل وباركت للعريس وما فيني شعره اتحركت، وكله عشان هي مبسوطة، فبقيت ماخد الموضوع عادي وكأنه زواج احد معارفي بعد كم يوم من زواجها أتصلت علي! -الوه =اهلين - كيفك =تمام الحمدلله وانت كيفك -بخير، عرفتني؟ =لا، منو إنتِ؟ -انا فلا......نة....!! ؟؟ الف مبروك ليك الزواج، وان شاء الله سعيدة، وخير مالك اتصلتِ عليّ -عمرو انا ما قادرة انساك! =ونسيتني كيف لما كنت خاطبك عديل وفسختي الخطوبة بنفسك؟ -أنا كان في ناس لاعبة بعقلي والله وما كنت عايزة اخسرك وإبليس كان شاطر =مهو خلاص خلي الناس دي تنفعك -ما قادرة والله بس ممكن طلب؟ =اتفضلي -ممكن نكون اصحاب؟ والله لما أكلمك بكون مرتاحة =طيب وزوجك؟ -انا ما نسيتك انت فاهمني؟ =شوفي ، „ انتي بقيتي في يد راجل وبقيتي حقتو، تاني مافي داعي نتواصل، يلا “. فصلت منها ________ من خلاص القصة دي عايز اقولكم: خليك أنسان مؤمن بالقسمة وخليك راضي تمامًا أنه ما أي حاجة ليك وما أي حاجة تستاهل يزعلو عليها، وأنتي برضو خليك راضية ومؤمنه بإختيارك وإنت خليك كمان راجل، وما تتكلم مع مرأة راجل غيرك وانتي خليكي عاقلة وما تخربي بيتك عشان، علاقة قديمة او سطحية حتى وابعدي من صحبة الأولاد بعد الزواج #جخو،الشغل،دا،يا،عالم،➕_❤_📝 #الشعب_الصيني_ماله_حل😂😂🏃🏻‍♀️ - @ammar54.x