@nasseraltaie.media: — Wakazi wa Zanzibar wanakabiliwa na changamoto kubwa ya uhaba wa sukari, ambapo kiasi kidogo kinachopatikana kinauzwa kwa kificho kwa hadi Sh5,000 kwa kilo moja. Hali hii inajiri huku kukiwa na madai kuwa baadhi ya wafanyabiashara wanaficha bidhaa hiyo wakisubiri kupanda kwa bei, wakidai kuwa bei elekezi iliyowekwa na Serikali ya Mapinduzi ya Zanzibar (SMZ) haihimili gharama za usafirishaji. Kwa mujibu wa bei elekezi ya SMZ kupitia Wizara ya Biashara na Maendeleo ya Viwanda: Mfuko wa Kilo 50: Sh110,000 Kilo 1: Sh2,500 – Sh3,000 Mmoja wa wakazi wa Magomeni, Fauzia Ali, ameeleza namna alivyohangaika kutafuta sukari kwenye maduka kadhaa kabla ya kuipata kwa Sh5,000 kwa kilo na kuwekewa ukomo wa kununua usiozidi kilo mbili tu. #Zanzibar #Unguja #Sukari #Tanzania #Habari