အလှူလုပ်ရာ ပြည့်စုံရမည့် အင်္ဂါ ( ၆ ) ပါး ___________ တည် စေ ဂုဏ် ဉာဏ် ၊ ဝတ္ထုမှန် ၊ နိဗ္ဗာန်တောင်းတပြု ။ အင်္ဂါခြောက်ဖော် ၊ ပြည့်စုံသော် ၊ အံ့သော် ကျိုးများစု ။ ( တက္ကသိုလ်တေဇာလင်း ၊ အနီးမွှေး အဝေးကြိုင် ၊ မြင်းခြံ ကိုးဆောင်တိုက်အုပ် ဆရာတော်မှ - ) ၁။ တည် - အလှူရှင်သည် သီလဆောက်တည် သီလစင်ကြယ်စေရမည် ။ ၂။ စေ - မလှူမီ လှူဆဲ လှူပြီး စေတနာသုံးတန် အညီအမျှ ထားနိုင်ရမည် ။ ၃။ ဂုဏ် - အလှူခံပုဂ္ဂိုလ် ( သံဃာတော်တို့ ) ရဲ့ ဂုဏ်ကို အာရုံပြု လှူဒါန်းရမည် ။ ၄။ ဉာဏ် - ကံ ကံ၏ အကျိုးကို ယုံကြည်တဲ့ ကမ္မဿကတာ သမ္မာဒိဋ္ဌိ ရှိရမည် ။ ၅။ ဝတ္ထုမှန် - လှူဖွယ်ဝတ္ထုသည် ဓမ္မိယလဒ္ဓဖြစ်ကာ သန့်ရှင်းစင်ကြယ်ရမည် ။ ၆။ နိဗ္ဗာန်တောင်းတပြု - နိဗ္ဗာန်ကို ရည်စူးတောင်းတ ကုသိုလ်ပြုရမည် ။ ဤအင်္ဂါ ခြောက်ပါးနှင့် ပြည့်စုံ ညီညွတ်လျှင် အလှူအကျိုး ကြီးမားသည် ဟူလို။ မှတ်ဖွယ်လင်္ကာ _________ ၁။ တည် - အလှူပေးစဉ် ၊ အလှူ့ရှင် ၊ ဖြူစင် သီလရှိရမည် ။ ၂။ စေ - စေတနာသုံးတန် ၊ ညီညွတ်ရန် ၊ ဧကန် ဖြစ်ရမည် ။ ၃။ ဂုဏ် - အလှူခံကုန် ၊ သံဃာ့ဂုဏ် ၊ အာရုံ ပြုရမည် ။ ၄။ ဉာဏ် - ကံကံအကျိုး ၊ ယုံကြည်ကိုး ၊ မှတ်ရိုး ပညာရှိရမည် ။ ၅။ ဝတ္ထုမှန် - အလှူပေးရန် ၊ ဝတ္ထုမှန် ၊ ဧကန် စင်ကြယ်စေရမည် ။ ၆။ နိဗ္ဗာန်တောင်းတပြု - အလှူပေးပြန် ၊ ပြည်နိဗ္ဗာန် ၊ ဧကန် တောင်းတပြုရမည် ။ အင်္ဂါခြောက်တန် ၊ ပြည့်စုံပြန် ၊ ဧကန် အကျိုးကြီးမားသည် ။ အလှူပေးငြား ၊ ကျိုးကြီးမား ၊ မှတ်သား သိရမည် ။ ကဗျာလင်္ကာ အရှင်ပရမဗုဒ္ဓိ ( မြိုင် ) - @ashin.parama3