@user962006253: #ዋና ዋና የሚባሉትን 10 የሚስት ሀቆች እነሆ ──────⊱◈◈◈⊰────── 1️⃣. ቀለብ የማቅረብ ሀቅ (ነፈቃ) ──────⊱◈◈◈⊰────── ​ባል ለሚስቱ የሚበላ፣ የሚጠጣ እና ልብስ የማቅረብ ሙሉ ግዴታ አለበት። ይህ የሚወሰነው እንደ ባሉ አቅም ሲሆን፣ እሷ የራሷ ገቢ ቢኖራት እንኳ ባልየው የመመገብ ኃላፊነት አለበት። ──────⊱◈◈◈⊰────── ​2️⃣. መጠለያ የማዘጋጀት ሀቅ ──────⊱◈◈◈⊰────── ​ሚስት የራሷ የሆነ፣ የግል ሚስጥሯንና ነፃነቷን የምትጠብቅበት መኖሪያ የማግኘት ሀቅ አላት። ባል ለሚስቱ እንደ አቅሙ የሚመጥን መጠለያ የማዘጋጀት ግዴታ አለበት። ──────⊱◈◈◈⊰────── ​3️⃣. የመህር (ጥያት) ሀቅ ──────⊱◈◈◈⊰────── ​ኒካህ በሚታሰርበት ጊዜ የሚወሰነው መህር የሚስቲቱ የግል ንብረት ነው። ባል ይህንን ሙሉ በሙሉ የመክፈል ግዴታ ያለበት ሲሆን፣ እሷ ካልፈቀደች በስተቀር አንድም ሳንቲም የመውሰድ መብት የለውም። ──────⊱◈◈◈⊰────── ​4️⃣. በጥሩ ስነ-ምግባር የመያዝ ሀቅ ──────⊱◈◈◈⊰────── ​ቁርዓን ላይ "በመልካምም ኑሯቸው" እንደሚለው፣ ባል ለሚስቱ ገር፣ አዛኝ እና ሩህሩህ መሆን አለበት። አካላዊም ሆነ ስነ-ልቦናዊ ጥቃት ማድረስ በፍፁም የተከለከለ ነው። ──────⊱◈◈◈⊰────── ​5️⃣. የትምህርትና የዲን እውቀት ሀቅ ──────⊱◈◈◈⊰────── ​ሚስት ስለ ዲኗ እና ስለ ህይወቷ አስፈላጊ የሆኑ እውቀቶችን የማግኘት መብት አላት። ባልየው ራሱ ሊያስተምራት ወይም እንድትማር ሁኔታዎችን ማመቻቸት አለበት። ​──────⊱◈◈◈⊰────── 6️⃣. ምስጢርን የመጠበቅ ሀቅ ──────⊱◈◈◈⊰────── ​በባልና በሚስት መካከል የሚኖር ማንኛውም ሚስጥር (በተለይ የመኝታ ቤት ምስጢር) ለሌላ ሰው አሳልፎ መስጠት ትልቅ ወንጀል ነው። ባል የሚስቱን ሚስጥርና ክብሯን የመጠበቅ ሀቅ አለበት። ​──────⊱◈◈◈⊰────── 7️⃣. ፍትሃዊነት (ለብዙ ሚስት አግቢዎች) ──────⊱◈◈◈⊰────── ​አንድ ባል ከአንድ በላይ ሚስት ካለው፣ በመካከላቸው በምግብ፣ በመጠለያ፣ በልብስና አብሮ በማደር ረገድ ፍጹም ፍትሃዊ መሆን አለበት። ​──────⊱◈◈◈⊰────── 8️⃣. የቅርብ ግንኙነት ሀቅ ──────⊱◈◈◈⊰────── ​ሚስት ከባሏ ጋር ያላትን የፍቅርና የቅርብ ግንኙነት የመደሰት ሀቅ አላት። ባል ያለ በቂ ምክንያት ይህንን ሀቅ ሊነፍጋት አይገባም። ​──────⊱◈◈◈⊰────── 9️⃣. ምክርና መመሪያ የመስጠት ሀቅ ──────⊱◈◈◈⊰────── ​ባል የቤተሰቡ መሪ እንደመሆኑ መጠን፣ ሚስቱን ወደ መልካም ነገር የመምራትና ከስህተት የማረም ግዴታ አለበት። ይህ ግን በጥላቻ ሳይሆን በፍቅርና በምክር መሆን አለበት። ​──────⊱◈◈◈⊰────── 🔟. ክብርን የመጠበቅ ሀቅ ──────⊱◈◈◈⊰────── ​ሚስት በማንኛውም ሁኔታ (በዘመዶቿም ሆነ በሌላ ሰው ፊት) ክብሯ እንዳይነካ ባል መከላከያ ሊሆናት ይገባል። የሷን ስም የሚያጠፋ ወይም ዝቅ የሚያደርግ ነገር ሲገጥም ከጎኗ መቆም አለበት። ​ባጭሩ፦ ነቢዩ መሐመድ (ﷺ) እንዳሉት፦ "ከእናንተ ውስጥ በላጩ ማለት ለሚስቱ መልካም የሆነው ነው"። ──────⊱◈◈◈⊰──────

ኢልምን ከሰለፎች ተማር✅Ⓜየቦረናዋ✍️

Open In TikTok:

Region: SA

Tuesday 04 August 2026 06:21:33 GMT