@cosoble0: Mararka qaar xanuunka ugu culus ma aha kan cadow kaa yimaada, ee waa kan kaaga yimaada qof aad wanaag u samaysay. Qof aad garab istaagtay, aad albaabbada u furtay, aad waqtigaaga, taladaada iyo dadaalkaaga u hurtay, balse ugu dambayn kuu abaalguday xumaan. Taasi waa waxa loo yaqaan guntu. Guntu waa qofka qaata wanaaggaaga, laakiin marka uu xoogaysto ama danihiisu is beddelaan, kuu beddela mahadnaq la'aan iyo xumaan. Wuxuu illoobaa gacantii kor u qaaday, wuxuuna ku dadaalaa inuu dhaawaco qalbiga qofkii u hiilliyey. Ha ka shallayn wanaagga aad samaysay, waayo wanaaggu qiimihiisa ma luminayo. Haddii qofku ku xumeeyo, taasi waxay ka tarjumaysaa akhlaaqdiisa, ee ma aha qiimahaaga. Abaalka dhabta ah wuxuu ka yimaadaa Alle, mana jiro wanaag lumaya. Noloshu waxay ina bartaa in aan dadka u samayno wanaag annagoo aan abaal ka sugin qof kasta. Qofkii wanaaggaaga qadariya wuu ku xusuusan doonaa, qofkii ku xumeeyana taariikhdiisa ayuu ku qori doonaa mahadnaq la'aantiisa. "Guntu waa qof aad abaal u gashay, balse ku xumeeyey. Adiguna sii wad wanaaggaaga, maxaa yeelay wanaaggu weligiis ma khasaaro."

Mr Cosoble

Open In TikTok:

Region: SO

Tuesday 04 August 2026 08:20:27 GMT