@missrani342: هڪ دفعي Guru Nanak پنهنجي چيلن کي چيو ته ماڻهن کان دان (چندو) گڏ ڪريو، جيئن ضرورتمندن جي مدد ڪري سگهجي. چيلا ڪيترن ئي گهرن تي ويا. ڪي امير ماڻهن گهڻو دان ڏنو، ته ڪي ماڻهن ڪجهه به نه ڏنو. آخرڪار اهي هڪ غريب ٻڍي مائي جي گهر پهتا. هوءَ تمام غريب هئي. گهر ۾ رڳو ٿورو اٽو ۽ ڪجهه داڻا هئا، جيڪي سندس پنهنجي کاڌي لاءِ هئا. جڏهن کيس خبر پئي ته مهمان آيا آهن، ته هن خوشي سان اهو ٿورو اٽو گونڌي ماني تيار ڪئي ۽ جيڪو ڪجهه وٽس هو، سو محبت سان پيش ڪيو. چيلا سوچڻ لڳا ته هي ته تمام ٿورو آهي، پر جڏهن هو گرو نانڪ صاحب وٽ واپس پهتا ۽ سڄو حال ٻڌايائون، تڏهن گرو نانڪ صاحب فرمايو: "واهيگرو وٽ دان جي مقدار نه، پر نيت ۽ محبت ڏٺي ويندي آهي. غريب جو سچي دل سان ڏنل ٿورو دان به وڏن خزانن کان وڌيڪ قيمتي هوندو آهي." ان کان پوءِ چيلا سمجهي ويا ته سچي خدمت، محبت، عاجزي ۽ نيڪ نيت ئي انسان جي اصل دولت آهي.📿 نيت صاف هجي ته ٿورو به وڏو دان آهي.🤲 غريب جي عزت ڪرڻ گهرجي.📿 مهمان نوازي ۽ انسانيت سڀ کان وڏي نيڪي آهي. محبت سان ڪيل خدمت خدا کي پسند آهي.📿💗