http.devon ♈️ :
ito ’yung tanong na kayang magsimula ng family reunion-level na away. kasi on one side, may mga taong nagsasabing, “walang pakialam ang art sa ugali ng gumawa.” on the other hand, may mga sasagot ng, “eh paano kung ’yung ticket mo, dagdag pondo lang pala sa pagiging problematic niya?”
kung si roland barthes ang nasa gc, malamang ang reply niya lang ay: “guys, patay na nga ’yung author. move on.” hindi literally, siyempre. ang punto ng death of the author ay kapag nailabas na ang artwork, wala nang monopoly ang creator sa meaning nito. kaya kung may batang lumaki sa harry potter na natutong piliin ang kabutihan kaysa kapangyarihan, hindi agad nabubura ang aral na ’yon dahil sa mga sinabi ni J. K. Rowling tungkol sa trans community. minsan nga, mas progressive pa ang readers kaysa sa mismong author.
pero siyempre, hindi papayag si michel foucault. parang sasabihin niya, “teka lang. sino bang nagsulat?” kasi ayon sa author function, ang author ay hindi lang tao—brand, authority, at social position din siya. kaya kahit sabihin nating hiwalay ang artwork, hindi nawawala ang bigat ng pangalan ng gumawa. kapag sinabi mong “binasa ko si rowling,” may dala na agad ’yung pangalan niya.
ganun din kay Toni Gonzaga. puwedeng favorite mo pa rin ang starting over again, pero hindi ibig sabihin no’n na nawawala ang political implications ng pagsuporta niya kay Bongbong Marcos. kasi ang celebrity, hindi lang artista. public figure din. at ang public figure, may public consequences.
tapos papasok si sara ahmed na parang therapist ng buong debate. sasabihin niya, “okay, pero anong nararamdaman ninyo?” kasi hindi lang ideas ang gumagalaw sa mundo—feelings din. kaya ang harry potter para sa marami ay hindi lang libro; comfort zone, childhood, at community siya. gano’n din ang mga pelikula ni toni para sa iba. minsan, ang pinanghahawakan ng audience ay hindi ang moralidad ng artist, kundi ang emosyon at alaalang iniwan ng obra.
at doon nagiging komplikado.
kasi hindi porke’t may emotional attachment ka, wala ka nang moral responsibility. pero hindi rin porke’t may moral responsibility ka, kailangan mong burahin lahat ng naging meaningful sa’yo.
2026-08-05 09:42:26