@shimal.news: Ağsu rayonunun Kəndoba kəndində kişi həyat yoldaşının mobil telefonunu satdığı üçün həbs edilib. Kənd sakini, 1990-cı il təvəllüdlü Ceyhun Badamov (ad və soyad şərtidir) spirtli içkiyə aludə olduğu üçün ailəsində problemlər yaranıb. O, mütəmadi olaraq evdə mübahisələr edib, həyat yoldaşı ilə münaqişə yaşayıb və ailənin dolanışığına maddi dəstək verməyib. Nəticədə həyat yoldaşı məhkəməyə müraciət edərək ondan aliment tələb edib. Ağsu Rayon Məhkəməsinin qərarı ilə Ceyhunun iki övladı üçün ümumilikdə 386 manat aliment ödənilməsi müəyyən edilib. Bir müddət sonra Ceyhun həyat yoldaşına məxsus 450 manat dəyərində mobil telefonu oğ*rlayaraq 70 manata satıb. Telefonunu evdə tapa bilməyən qadın bu barədə polisə müraciət edib. Polis əməkdaşlarının apardıqları araşdırmalar zamanı müəyyən edilib ki, telefonu qadının həyat yoldaşı oğurlayaraq satıb. Keçirilən tədbirlərlə Ceyhun Badamov saxlanılıb, barəsində inzibati protokol tərtib olunaraq iş məhkəməyə göndərilib. Ağsu Rayon Məhkəməsinin qərarı ilə o, 25 sutka müddətinə inzibati qaydada həbs edilib. #shimalnews #şimal #ağsu #məhkəmə

shimal.news

Open In TikTok:

Region: AZ

Tuesday 04 August 2026 14:46:05 GMT