@ali313a:

♡ماجد♡ابن 👑الحشد♡الحساب جديد :

ابومهدي انمار الثانيه :

اللهم امين رب العالمين

♡ماجد♡ابن 👑الحشد♡الحساب جديد :

رادين وروس اهلنه ويانه گوه نمشي ومحد اتلگانه ▬▬▬▬▬▬▬▬ رادين وحالنه يبچي العدو ردتك يحسين من فگد الاخو موبدينه ومنكم انريد العفو النوگ هزله وعطلت ممشانه ▬▬▬▬▬▬▬▬ گوه نمشي ونسبگ النوگ ونرد يآل هاشم ليش بطلتو النشد اهواي مشتاگين يابعد الولد وخلصت طول الطريج امتانه ▬▬▬▬▬▬▬▬ من هوان الدنيا تحدينه العبيد وبالقصر مروان وبصفه يزيد وحنه واحد خويه عن واحد بعيد والگلب دامي ويريد اخوانه ▬▬▬▬▬▬▬▬ رادين وشوگنه ايعت بالگلب اهواي تعبانات من طول الدرب حسين بتك ماتت بديرة غرب ولاتشوف اشلون إلك لهفانه ▬▬▬▬▬▬▬▬ ورد ضعنكم بس نقص علويه بيه ويكسر الخاطر غرب تنطر عليه بس ابو الباقر عليل ونرتجيه وينهظم لو حشمت نسوانه ▬▬▬▬▬▬▬▬ ومن وصلنه اطفوفكم زاد الالم رحنه صوب المشرعه وصوب الخيم گومو وتلگو الضعن يهل الشيم وليش خالي من الگمر ميدانه ▬▬▬▬▬▬▬▬ الليله يم حامي الضعن زينب تبات وتبدي تنعه هناك يم شاطي الفرات تدري ضعنك من بعد عينك شتات والاسياط انطبعت بمگفانه ▬▬▬▬▬▬▬▬ شرد اسولف يبن ابوي وشرد اگول اذكرت من دارت اعلينه الخيول اهنا طحت وهنا صعدت اعلى التلول وغاد طفله من العطش ذبلانه ▬▬▬▬▬▬▬▬ موش مال انزل واگعد وستريح من على لناگه اعلى گبرك ارد اطيح ريت ميته وياك يبن امي الذبيح ولا اطب القصر ابن مرجانه ▬▬▬▬▬▬▬▬ ولو يالسجاد اعرفك تنجرح وانت ماعايز يبو وجه السمح اهنا يبعد الماغفن صار الذبح ليش ابوك اندفن مو بمچانه ▬▬▬▬▬▬▬▬ حيدر رعد الموسوي اللهم عجل لوليك الفرج