مفهوم الأمان الي كثير رجال ما يستوعبوه . تخيل أسد واحد بالنص بين قطيع غزلان الأسد رح يشوف المكان جنة ومتعة وفرصة بينما لو أخذت غزالة واحدة وحطيتها بالنص بين قطيع أسود الغزالة رح تشوف المكان جهنم ورعب مطلق الفكرة مو كره ولا صراع شخصي الغزالة ما خافت لأنها بتكره الأسود خافت لأن غريزة البقاء وفارق القوة بيفرضوا عليها تحمي حالها والمرأة لما تحكي عن حاجتها للأمان هي عم توصف غريزة أنثوية طبيعية وفطرة حماية ذاتية المشكلة بتصير لما يجي شخص ينزعج ويتفلسف ويعتبرو هجوم شخصي (عزيزي انت انسان مهزوز الشخصية وعيك سطحي بحاجه انك تشتغل على حالك وتشوف بعقلك قبل عينك الصوره كامله) و انت تماماً مثل أسد زعلان من غزالة لأنها خافت منه التفكير هون مقلوب لأن المشكلة مو بالغزالة المشكلة بالشخص يلي مو مستوعب حجم قوته وتأثير وجوده الزلمة الحقيقي الفهمان بيستوعب تماماً إنو قوته وبنيته الجسدية موجودين ليكون مصدر أمان وحماية مو ليقعد يعاتب الطرف الثاني ليش خايف أو حذر الخلاصة القصة كلها إنو الرجل بتفكيره بيدور على الراحة والفرصة والمرأة بتركيبتها بتدور على السلامة والأمان والوعي الحقيقي بيصير لما تفهم هالفارق الجوهري وتستوعبه بدون ما تاخذه بمحمل شخصي أو حساسية مالها داعي . #علاقات #تنمية_بشرية #همام_العكيدي🦅 - @.hu_mam