@kjoonka63: أنا ما دايركِ تفتش لمخارج بعيدة..بس تعالِ لي. تعال زي ما إنتِ.. بدون تبرير، بدون خوف، بدون الحكايات الكتيرة البتضيع المعنى. تعال لي وأنا أوريكِ كيف المسافة دي كُلها كانت وهم، كيف الغياب ما كان إلا تعب ملامح. و كيف القلب البنادِيك من البداية لسه واقف في نفس المكان، ما إتحرك. أنا ما داير كلام كتير، و لا وعود بتتكتب وتتنسي. دايرك إنتِ بحيرتك، بترددك، حتى بخوفك البتحاولي تخبيهُ. تعالي لي، خلينا نكون صادقين لمرة، بدون تمثيل إنو نحن أقوى مما نحس، ولا إنو قادرين نكمل بدون بعض. أنا عارف إنو فيكِ ألف سبب يخليكِ تتراجعي، لكن برضو في سبب واحد بس يخليكِ تجي.. و أنا ده السبب..! فما تفتش بعيد. ولا تضيع نفسك في طرق ما بتوصلك. أنا هنا فاتح ليكِ قلبي، و مُستنيكِ تجي. بس تجي..