‘निम्सदाईसहित पर्वतारोहीहरूको निधनमा विश्वले ट्रिब्युट दियो, तर सरकारले एउटा भिडियो सन्देश पनि दिएन, यो ‘फर द पिपुल’ सरकार होइन’ — निशा अधिकारी सगरमाथाको सफल आरोहण गरिसकेकी अभिनेत्री निशा अधिकारीले पर्वतारोहणको वास्तविकता जोखिम र अनिश्चितताले भरिएको यात्रा भएको बताएकी छन्। साथै, निम्सदाईप्रति विश्वभरबाट श्रद्धाञ्जली व्यक्त भइरहेका बेला नेपाल सरकारको मौनताप्रति पनि उनले असन्तुष्टि जनाएकी छन्। निम्सदाईप्रति श्रद्धाञ्जली व्यक्त गर्दै उनले सामाजिक सञ्जालमार्फत कुनै पनि पर्वतारोही हिमाल चढ्न निस्कँदा ‘म निश्चित रूपमा फर्केर आउँछु’ भन्ने सोच लिएर नजाने बताएकी हुन्। उनले प्रकृतिलाई चुनौती दिने मानसिकता दम्भ र मूर्खता हुने उल्लेख गर्दै अनुभवी पर्वतारोही, हाइकर र क्लाइम्बरहरूलाई मौसम, हिमपहिरो, ग्लोबल वार्मिङलगायत कारण हिमालको अवस्था जुनसुकै बेला बदलिन सक्ने भएकाले अन्तिम निर्णय सधैं प्रकृतिकै हातमा रहने राम्रोसँग थाहा हुने बताएकी छन्। अधिकारीका अनुसार पर्वतारोहीहरू हिमालप्रति नतमस्तक हुँदै सुरक्षित आरोहणको कामना गरेर मात्र यात्रा सुरु गर्छन्। परिवारसँग बिदा हुँदा पनि त्यो अन्तिम बिदाइ हुन सक्ने सम्भावना मनमा राखेरै निस्किनुपर्ने भएकाले फर्किने कुनै ग्यारेन्टी हुँदैन। उनले निम्सदाईको परिवारप्रति विशेष सम्मान व्यक्त गर्दै नेपाल र नेपाली पर्वतारोहणलाई विश्वसामु चिनाउन उहाँले पुर्‍याएको योगदानको सबैभन्दा ठूलो मूल्य परिवारले चुकाएको बताएकी छन्। यस्तै, सरकारको भूमिकाप्रति असन्तुष्टि व्यक्त गर्दै अधिकारीले भनिन्, “संसारले ट्रिब्युट दिएको बेला यो सरकारले एउटा भिडियो म्यासेज पनि दिएन। कुनै पनि एंगलबाट यो सरकार ‘फर द पिपुल’ भन्ने सरकार नै होइन जस्तो लाग्छ मलाई।” उनले शेर्पा समुदाय र नेपाली पर्वतारोहणबिनाको हिमाल पर्यटन सम्भव नरहेको उल्लेख गर्दै निम्सदाईको क्षति एउटा परिवारको मात्र नभई सम्पूर्ण राष्ट्रकै क्षति भएको धारणा व्यक्त गरेकी छन्। #for #foryou #foryoupage #fypシ #fypシ゚viral - @nepalnextleader