@zarrar_yousafzai: Sher_mamo_ کارگل جنگ (1999) کے دوران بھارتی فوج کے بریگیڈ کمانڈر بریگیڈیئر (ریٹائرڈ) ایم پی ایس باجوہ کے پاکستان آرمی کے کیپٹن کرنل شیر خان (شہید) کی شجاعت پر مبنی تاریخی بیانات اور انٹرویوز سوشل میڈیا پر گردش کررہے ہیں۔ بریگیڈیئر باجوہ 192 ماؤنٹین بریگیڈ کے کمانڈر تھے ان کی بٹالین (8 سکھ رجمنٹ) کا مقابلہ ٹائیگر ہل پر کیپٹن کرنل شیر خان سے تھا۔ بھارتی کمانڈر نے اس معرکے کی تفصیلات بیان کرتے ہوئے کہا کہ ہم نے چوٹی پر قبضہ کر لیا تھا، لیکن کیپٹن کرنل شیر خان نے اپنے چند ساتھیوں کے ساتھ مل کر ایسا زبردست اور اچانک جوابی حم*لہ کیا جس نے بھارتی فوج کو حیران کر دیا، وہ شیر کی طرح آگے بڑھے اور فرنٹ سے اپنی نفری کی قیادت کی۔ شدید فائرنگ اور محاصرے کے باوجود انہوں نے پیچھے ہٹنے یا ہتھیار ڈالنے سے صاف انکار کر دیا۔ وہ آخری سانس اور خون کے آخری قطرے تک دلیری سے لڑتے رہے۔ بریگیڈیئر باجوہ نے اعتراف کیا کہ "میں نے اپنی پوری فوجی زندگی میں کیپٹن کرنل شیر خان جیسا نڈر اور بہادر دشمن افسر نہیں دیکھا، اس کی شجاعت نے ہمارے دلوں میں اس کے لیے عزت پیدا کر دی تھی"۔ جب کیپٹن کرنل شیر خان نے جامِ شہادت نوش کیا، تو خود اپنے ہاتھوں سے کاغذ پر ایک تعریفی نوٹ لکھا اور اسے شہید کی جیب میں رکھ دیا۔ اس لکھا تھا ’’ 12 این ایل آئی (NLI) کے کیپٹن کرنل شیر خان انتہائی بہادری اور دلیری سے لڑے، انہیں ان کے ملک کا اعلیٰ ترین عسکری اعزاز ملنا چاہیے۔" جس کے بعد حکومتِ پاکستان نے انہیں ملک کا سب سے بڑا فوجی اعزاز نشانِ حیدر عطا کیا۔ بریگیڈیئر باجوہ آج بھی یہ کہتے ہیں کہ انہیں بے حد خوشی ہے کہ ان کی لکھی ہوئی چٹھی کے بعد ایک سچے اور حقدار ہیرو کو "نشانِ حیدر" سے نوازا گیا۔

ضرار_يوسفزيئ

Open In TikTok:

Region: PK

Wednesday 05 August 2026 07:00:26 GMT