@sindh_info_department: سندھ حکومت کی جانب سے یلو لائن بی آر ٹی منصوبے کی بروقت تکمیل کے لیے تمام یوٹیلٹی رکاوٹیں پیشگی بنیادوں پر دور کرنے کے احکامات جاری کر دیے گئے ہیں۔ تاخیر سے بچنے کے لیے ری لوکیشن سے متعلق تمام اقدامات فوری طور پر مکمل کرنے کی متعلقہ اداروں کو ہدایت دی گئی ہے۔ سینئر وزیر شرجیل انعام میمن کی جانب سے تاج حیدر پل کے دوسرے حصے کا کام بھی جلد مکمل کرنے کے احکامات دیے گئے۔ سندھ کے سینئر وزیر شرجیل انعام میمن کی زیر صدارت محکمہ ٹرانسپورٹ کا اہم اجلاس ہوا، جس میں سیکریٹری ٹرانسپورٹ اسد ضامن، یلو لائن بی آر ٹی کے پراجیکٹ ڈائریکٹر کمال دایو اور دیگر متعلقہ حکام شریک ہوئے۔ اجلاس میں یلو لائن بی آر ٹی منصوبے کے تعمیراتی کام کا تفصیلی جائزہ لیا گیا اور منصوبے پر پیش رفت مزید تیز کرنے کا فیصلہ کیا گیا۔ یلو لائن حکام نے سینئر وزیر شرجیل انعام میمن کو منصوبے کے مختلف حصوں پر جاری کام سے متعلق تفصیلی بریفنگ دی۔ بریفنگ میں بتایا گیا کہ تعمیراتی سرگرمیاں منصوبہ بندی کے مطابق جاری ہیں اور توقع ہے کہ آئندہ سال کی پہلی سہ ماہی میں منصوبے کے ڈپوز مکمل ہو جائیں گے۔ شرجیل انعام میمن نے ہدایت دی کہ عوام کو دشواریوں سے بچانے کے لیے تاج حیدر پل کے دوسرے حصے کا کام جلد مکمل کیا جائے، منصوبے کی رفتار ہر صورت برقرار رکھی جائے اور تمام رکاوٹیں فوری طور پر دور کی جائیں۔ انہوں نے کہا کہ یوٹیلٹی شفٹنگ اور ری لوکیشن کے تمام معاملات کو ترجیحی بنیادوں پر مکمل کیا جائے تاکہ منصوبے کی تکمیل میں کسی قسم کی تاخیر نہ ہو۔ یلو لائن بی آر ٹی کراچی کے عوام کے لیے ایک اہم عوامی منصوبہ ہے اور اس کی بروقت تکمیل سندھ حکومت کی اولین ترجیحات میں شامل ہے۔ تمام متعلقہ ادارے باہمی تعاون اور مؤثر رابطہ کاری کے ذریعے درپیش مسائل فوری حل کریں۔ #views #sindhinformationdepartment #foryou #sindhgovernment #sharjeelinammemon

Sindh Information Department

Open In TikTok:

Region: PK

Wednesday 05 August 2026 07:51:33 GMT