@aya.nagdy1: 🎂 السويسرول القطني الهش.. أنجح طريقة من أول مرة المقادير ٤ بيضات وسط (نفصل الصفار عن البياض) ٥ ملاعق كبيرة سكر (٣ للبياض + ٢ للصفار) نقطتين عصير ليمون رشة ملح صغيرة فانليا بودر أو سائلة ملعقة كبيرة خل بشر ليمونة (اختياري) ثلث كوب لبن ٣ ملاعق كبيرة زيت كوب إلا ربع دقيق ملعقة كبيرة نشا ملعقة صغيرة ممتلئة بيكنج بودر الطريقة نضيف على بياض البيض نقطتين عصير ليمون ورشة ملح، ونضرب بالمضرب الكهربائي، وأثناء الضرب نضيف ٣ ملاعق السكر بالتدريج لحد ما الخليط يبقى أبيض كريمي تقيل ويعمل قمم ثابتة. في بولة تانية نضيف على الصفار الفانيليا، والخل، وبشر الليمون (اختياري)، و٢ ملعقة سكر ونضرب كويس. نضيف ثلث كوب اللبن ونضرب، ثم ٣ ملاعق الزيت ونضرب مرة تانية. ننخل الدقيق مع النشا والبيكنج بودر، ونضيفهم على خليط الصفار ونقلب بالمضرب اليدوي لحد ما الخليط يبقى ناعم. نضيف خليط الصفار على البياض على دفعات، ونقلب برفق من تحت لفوق بالمضرب اليدوي، وفي الآخر نقلب بالإسباتولا علشان نتأكد إن الخليط امتزج كويس من غير ما يهبط. الخبز ندهن صينية مقاس ٣٠×٤٠ سم بطبقة خفيفة جدًا من الزيت، ونفرش ورق زبدة. نسخن الفرن مسبقًا. نصب الخليط ونسويه. يدخل الرف الأوسط على ١٧٠ درجة لمدة ١٣ إلى ١٥ دقيقة. لما يستوي نفتح الشوايه ياخد لون دهبي حلو وأثناء ما السويسرول في الفرن نجهز الحشوة المكونات نصف كوب كريم شانتيه خام. ملعقة كبيرة سكر بودرة. نصف كوب ماء مثلج. ملعقتان جبنة كريمي أو ٤ قطع جبنة مربعات أو مثلثات. الطريقة نضرب الكريم شانتيه مع السكر البودرة والماء المثلج لحد ما يتماسك، ثم نضيف الجبنة ونضرب مرة تانية لحد ما الخليط يبقى ناعم وكريمي، وبعدها ندخله التلاجة. ونجيب معلقتين كبار مربى ونقلبهم كويس علشان يبقوا سهلين في الفرد. بعد ما يستوي نطلعه ونسيبه دقيقتين فقط. نفك ورق الزبدة من الجوانب. نقلبه على فوطة نظيفة أو شبكة، ونشيل ورق الزبدة. نغطيه بفوطة نظيفة لمدة ٥ دقائق فقط وهو لسه دافي علشان يفضل طري ويلف بسهولة. الحشو واللف نفرد طبقة رفيعة من المربى. وفوقها نفرد الكريمة بالتساوي. نلف السويسرول بمساعدة الفوطة بهدوء لحد ما يقفل كويس. نلفه في الفوطة وندخله التلاجة لتاني يوم. بعد ما يبرد ويتماسك نقطعه ونقدمه. 💡 نصائح النجاح ✅ افصلي الصفار عن البياض بعناية، وماينفعش ينزل أي نقطة صفار على البياض. ✅ اقلبي الخليط برفق من تحت لفوق علشان يحتفظ بالهوا ويبقى السويسرول هش. ✅ ماتفتحيش الفرن قبل مرور ١٣ دقيقة. ✅ نسيب السويسرول لما يطلع دقيقتين وبعدين نقلب وبعدين نشيل ورق الزبده ونغطيه خمس دقايق وبعدين نحشي ونلف علي طول علشان مايتشققش. ✅ يفضل يبات في التلاجة قبل التقطيع علشان يطلع متماسك وشرائحه تبقى جميلة. #سويسرول #سويسرول_هش #سويسرول_قطني #حلويات #حلويات_سهلة

Aya Nagdy اية نجدي

Open In TikTok:

Region: EG

Wednesday 05 August 2026 12:56:16 GMT