@jagumaihala: Allahu Akbar! A wannan hoto akwai wasu fitattun mutane uku da suka taka muhimmiyar rawa a tarihin Kano da Najeriya baki daya. A hagu akwai Mai Martaba Sarkin Kano, Alhaji (Dr) Ado Bayero, a lokacin yana matashi kafin ya zama Sarki. Marigayi Ado Abdullahi Bayero ɗa ne ga Sarki Abdullahi ɗan Abbas, kuma bai taɓa yin hakimci ba kafin Allah Ya ba shi Sarautar Kano, inda ya gaji gidan sarauta. Ya yi shekaru 52 yana kan karagar mulki, domin ya fara sarauta tun lokacin da sarakuna ke da cikakken iko, har zuwa lokacin da siyasa da sauyin zamani suka sauya tsarin mulki. A tsakiya kuma akwai Alhaji Tijjani Hashim, Galadiman Kano, kuma babban ɗan Majalisar Sarki. Duk wanda ya san tarihin birnin Dabo ya san irin girma, ƙasaita da martabar Galadima a Kano da ma sauran sassan duniya. Galadima ya yi aiki tare da Sardauna, kuma an san shi da jajircewa da dattaku. A dama kuma akwai Alhaji Aminu Alhassan Ɗantata. Mahaifinsa ya taɓa riƙe kambun kasancewa cikin fitattun attajiran Afirka, shi ma kuma ya gaji sana'ar kasuwanci, ya yi arziki matuƙa, har ana saninsa da yawan taimakon jama'a, kuma yana iya bayar da kyautar biliyan ɗaya saboda Allah. Duk waɗannan manyan mutane a yau ba sa a raye, amma Allah Ya lullube su da suturarsa har suka koma gare Shi cikin mutunci. Allah Ya gafarta wa magabatanmu, Ya sa Aljannatul Firdausi ta zama makomarsu. Amin. #Siyasa #Leadership #ArewaViral #TarihinNajeriya #NaijaLegacy

JAGU MAI HALA 😍❤️

Open In TikTok:

Region: NG

Wednesday 05 August 2026 16:43:48 GMT