🌱በዚህ አለም ላይ ስንኖር ትልቁ ፈተና ሰው ሆኖ መፈጠር ሳይሆን ሰው ሆኖ መኖር መቻል ነው።የሰው ልጅ ሰው የሚያስብሉትን ባህሪያት ማለትም እምነቱን(ፈርሃ እግዚአብሔር ያለው መሆኑን፣ሰብአዊነቱን(ህሊናውን)፣ቅንነቱን፣ርህራሄውንና ጥሩ አስተሳሰቡን ማጣት የለበትም። 🌱የሰው ልጅ ጥሩ አማኝ መሆን አለበት። ጥሩ አማኝ መሆን ማለት በየቀኑ በስጋ ፈቃድ ላይ መሞት መቻል እንጅ ለራስ ፍላጎት እና ለግል ጥቅም ተብሎ ሰው በሰው ላይ፣ሃይማኖት በሃይማኖት ላይ በመነሳት የኔ ከሌላው ይበልጣል በማለት የሰውን ፈቃድ እና ምርጫ መንካት ማለት አይደለም። ጎበዝ እና ጀግና ሰው ማለት በራስ ፍላጎት እና ፈቃድ ላይ በመሰልጠን ወደ ነፍስ ሞት የሚወስደውን ሀጢያት ለማሸነፍ በራሱ ፈቃድ ላይ የሀጢያትን ጦርነት ማወጅ የሚችል ሰው ነው! 🌱በህይወተወ ትልቁ አሸናፊነት በትህትና ዝቅ ብሎ በፈቃድ ለሰዎች መሸነፍ መቻል ነው፤ትልቁ ብልጠት በፈቃድ ሞኝ መሆን ነው፤ትልቁ ቅንንት በየዋህነት ሁሉን መታዘዝ መቻል ነው፤ትልቁ ድል የበደለን ይቅር ማለት ነው፤ትልቁ ስኬት በአላማ መኖር ነው፤ትልቁ ድል መታገሰ መቻል ነው፤በዓላማ የሚኖር ሰው የሚታገሰው ራሱ ስለፈለገ ብቻ ሳይሆን የሚኖርለት ነገር ስላለው መታገስ ግዴታው ስለሚሆን ነው። 🌱በህይወታችን ውድ የሚመስለን ያለን ሳይሆን የለለን ነገር ነው፣ርካሽ የሚመስለን ደግሞ የሌላ ሰው ነው! የሰውን ዋጋ ለማወቅ የራስን ዋጋ ከማወቅ ጀምር፣ክፉ ሰዎች ራሳቸውን የሚወዱ ሳይሆኑ ራሳቸውን የሚጠሉ ናቸው።ምክንያቱም ራሱን የሚወድ ሰው ሰውን አይጠላም፣የራሱን የሚያከብር የሰውን ፈፅሞ አይንቅም። 🌱ራስን መውደድ ማለት ራስን ከነፍስና ከስጋ ሃጢያት ለመታደግ ሲባል በንፅህና ለመኖር መትጋት፣ከጥላቻ ፣ከስድብ፣ከጥፋት መቆጠብ፣ ራስን ማክበርና መጠበቅ ፣ፈጣሪን መፍራት፣ለህሌና ተገዥ መሆን መቻል ነው።ራስን መውደድ የቻለ ፣ራሱን የገዛ፣ ራሱን ያከበረና ያሸነፈ ሰው ደግሞ ዓለምን መውደድ፣ አለምን መግዛት፣ሌሎችን ማክበርና አለምን ማሸነፍ ቀላል ተግባሩ ይሆናል! 🌱በዚህ አለም ላይ የሰው ልጅ ትልቁ የስራ ድርሻው በፈርሃ እግዚአብሔር ሰው ሆኖ መኖር መቻሉ ነው(“ልጀ ሆይ ሰው ሁን”መጽሐፈ ነገሥት ቀዳማዊ: ምዕራፍ 2፣3)። ፈጣሪ መፍራትና ማክብር ማለት ደግሞ ለህግጋቱ በመገዛት፣ ሰውን በሰውነቱ ፣ፍጥረታትን በፍጥረትነታቸው በሰላም ይኖሩ ዘንድ ፈቃዳቸውን መጠበቅና ማክበር መቻል ማለት ነው።ሰው ነህና ሁሌም ሰዎች በሚያገኙት መልካም ነገር ተደሰት እንጂ አትከፋ! 🌱ሰው መሆን ማለት ሰብአዊነት የሚሰማን መሆን፣በሰወች ደስታ የምንደሰት ሰው መሆን፣የሰዎች ሀዘን የሚሰማን ሩህሩሆች መሆን ማለት ነው። በህይወት የወደድነው ሰው ምን ያክል ክፉና በዳይ ቢሆን፣ምን ያክል ቢያስከፋን ህመማችን ችለን እና ታግሰን ነገ የተሻለ እንደሚሆንልን በማሰብ ከፊቱ እንቆማለን እንጅ ጥለነው አንሄድም ወይም አንንቀውም።ምክንያቱም የሰው ልጅ ከጥፋቱ በላይ ክቡር ፍጡር እንጅ በጥፋቱ ምክንያት ከሰውነት የጎደለ ፍጡር አድርገን ልናየው አይገባም!!!! 🤌🏾 ያስተምራል ካላችሁ ሸር አድርጉት አመሰግናለሁ🫶🏾 እግዚአብሔር ማስተዋልን ጥበብን እውቀትን ከፍቅር ጋር ይስጠን አሜን🙏 እግዚአብሔር ብርሃኔና መድሃኒቴ ነው። - @zelealem.official