@azhansi__kurd: 🔴 دەقی پڕۆژەیاسای بەهێزکردنی تەبا‌یی نیشتمانی و یەکگرتوویی کۆمەڵایەتی ( پڕۆژە یاسای ئاشتی کورد لە باوکوور کوردستان) بەشی یەکەم: دەسەڵاتی دەستنیشانکردن و پشتڕاستکردنەوە ماددەی ١: کۆتاییهاتنی کردەیی و چەکداماڵینی تەواوەتیی ڕێکخراوەکە بە هەموو پێکهاتە، ڕێکخستن و باڵەکانی ژێر کۆنترۆڵییەوە، لەلایەن دامەزراوە ئەمنییە پەیوەندیدارەکانەوە دەستنیشان دەکرێت و بە بڕیاری ئەنجوومەنی ئاسایشی نیشتمانی پشتڕاست دەکرێتەوە. بەشی دووەم: کایەی جێبەجێکردن (چوارچێوەی یاسا) ماددەی ٢: ئەم یاسایە ئەم تاوانانەی خوارەوە دەگرێتەوە کە بەگوێرەی یاسای ڕێگریگرتن لە دابینکردنی دارایی تیرۆر (یاسای ژمارە 6415) و یاسا بەرکارەکان ڕێکخراون: دامەزراندن، سەرکردایەتیکردن یان ئەندامبوون لە ڕێکخراوی تیرۆریستیی پەکەکە/کەجەکە. یارمەتیدانی ئەنقەست و بەئاگا، یان ئەنجامدانی پڕوپاگەندە لە بەرژەوەندی یان چوارچێوەی چالاکییەکانی ڕێکخراوەکەدا. بەشی سێیەم: دەرەوەی چوارچێوەی یاسا ماددەی ٣: ئەم کەسانەی خوارەوە بە هیچ شێوەیەک لە بەخشین یان ئاسانکاری ئەم یاسایە سوودمەند نابن: ١. ئەو تاوانانەی کوشتنی بەئەنقەست کە لە چوارچێوەی چالاکییەکانی ڕێکخراوەکەدا ئەنجامدراون. ٢. ئەو تاوانانەی پێش ڕێکەوتی 01.06.2005 ئەنجامدراون و سزاکەیان زیندانیی هەتایی یان زیندانیی هەتاییی توندکراوە. بەشی چوارەم: میکانیزمی لێکۆڵینەوە و پێشکەشکردنی داواکاری ماددەی ٤: ١. لێکۆڵینەوە و دەستنیشانکردنی ناوەکان لەلایەن ئەو لایەنە دادوەرییانەوە ئەنجام دەدرێت کە لە ئێستادا دۆسیەی لێکۆڵینەوە یان دادگاییکردنی کەسەکەیان لەلایە. ٢. داواکاریی سوودمەندبوون لەم یاسایە، بە نووسراو پێشکەش بە سەرۆکایەتیی داواکاری گشتیی کۆمار لە شوێنی نیشتەجێبوونی کەسەکە یان بەو دامەزراوانە دەکرێت کە لەلایەن ئەنجوومەنەوە ڕاسپێردراون. بەشی پێنجەم: دواخستنی لێکۆڵینەوە، دادگاییکردن و سزاکان ماددەی ٥ (دواخستنی دادگاییکردن): ١. لێکۆڵینەوە و دادگاییکردن دوا دەخرێت بۆ ماوەی: ٥ ساڵ: بۆ ئەو تاوانانەی زۆرترین سزاکەیان لە ١٥ ساڵ زیندانی کەمتر بۆ دیاریکراوە. ١٠ ساڵ: بۆ ئەو تاوانانەی سزاکەیان لە ١٥ ساڵ زیندانی زیاترە، یان زیندانیی هەتایی و هەتاییی توندکراوە. ٢. بەرامبەر بڕیاری دواخستن، مافی تانەدان (ناڕەزایەتی) لە ماوەی دوو هەفتەدا کراوەیە. ٣. بە دەرچوونی بڕیاری دواخستن، هەموو ڕێکارە پارێزگارییەکان (دەستبەسەرکردن و چاودێری دادوەری) لادەبرێن. ماددەی ٦ (دۆسیەکان لە قۆناغی تێهەڵچوونەوە و بەسەرچوونی یاسایی): ١. دۆسیەکانی قۆناغی تێهەڵچوونەوە یان پێداچوونەوە، بڕیاری هەڵوەشاندنەوەیان بۆ دەردەچێت و لەلایەن دادگای پلە یەکەوە بڕیاری دواخستنیان دەدرێت. ٢. ئەگەر ماوەی دواخستنەکە بەبێ ئەنجامدانی تاوانی نوێ تێپەڕێت، بڕیاری نەبوونی پێویستی بە دادگاییکردن (یان کەوتنی دۆسیەکە) دەدرێت و سزاکە بە جێبەجێکراو هەژمار دەکرێت. ٣. لە ماوەی دواخستنەکاندا، ماوەی یاساییی بەسەرچوونی دۆسیە و سزا (کەوتنی بە تێپەڕبوونی کات) ڕادەگیرێت و هەژمار ناکرێت. بەشی شەشەم: ئاساییکردنەوە و بێبەش نەبوون لە مافەکان ماددەی ٧: ١. ئەنجوومەن بە شێوەیەکی خولیی بڕیارەکانی دواخستن هەڵدەسەنگێنێت. ٢. دادگای پەیوەندیدار دەتوانێت بڕیاری نەهێشتنی هەموو دەرهاویشتەکانی بێبەشبوون لە مافە شارستانی و سیاسییەکان بدات: دوای تێپەڕبوونی ٢ ساڵ بەسەر دواخستنە ٥ ساڵییەکاندا. دوای تێپەڕبوونی ٣ ساڵ بەسەر دواخستنە ١٠ ساڵییەکاندا. بەشی حەوتەم: بەدواداچوون، چاودێری و هەماهەنگی ماددەی ٨ (پێکهێنانی ئەنجوومەنی جێبەجێکردن): ئەنجوومەنێک بۆ بەدواداچوون و جێبەجێکردنی ئەم یاسایە پێکدەهێنرێت بەم شێوەیە: سەرۆکی ئەنجومەن: جێگری سەرۆککۆمار. ئەندامان: وەزیری داد، وەزیری دەرەوە، وەزیری ناوخۆ، وەزیری بەرگریی نیشتمانی، سکرتێری گشتیی سەرۆکایەتیی کۆمار، سەرۆکی دەزگای هەواڵگریی نیشتمانی (میت) و سکرتێری گشتیی ئەنجوومەنی ئاسایشی نیشتمانی. کاری سکرتاریەت: لەلایەن سکرتاریەتی گشتیی سەرۆکایەتیی کۆمارەوە بەڕێوەدەچێت. ماددەی ٩ (چاودێری پەرلەمانی): لیژنەیەکی تایبەت لە پەرلەمانی تورکیا بە ئەندامێتیی ١٧ پەرلەمانتار پێکدەهێنرێت بە مەبەستی چاودێریکردنی وردی چالاکی و ڕێکارەکانی چوارچێوەی ئەم یاسایە. بەشی هەشتەم: ڕێکارەکانی ڕادەستبوون و مۆڵەتی پێشکەشکردن ماددەی ١٠ (چەکداماڵین): ڕێنمایی تایبەت بە پڕۆسەی تۆمارکردن و ڕادەستبوونی کەسەکان، بە وەرگرتنی ڕای دەزگا ئەمنییەکان، بە هاوبەشی لەلایەن وەزارەتی بەرگریی نیشتمانی و وەزارەتی ناوخۆوە ئامادە دەکرێت. ماددەی ١١ (ماوەی یاساییی داواکاری): سەرجەم کەسانی داواکار دەبێت لە ماوەی زۆری شەش مانگدا دوای بڵاوبوونەوەی بڕیاری ئەنجوومەنی ئاسایشی نیشتمانی لە ڕۆژنامەی فەرمیدا، داواکاریی نووسراوی خۆیان بۆ سوودمەندبوون لەم یاسایە پێشکەش بکەن. #fyp #foryou #baghdad #kurdistan #iraq

5259

There are no more comments for this video.

To see more videos from user @azhansi__kurd, please go to the Tikwm homepage.