@drthura_health_wellness: အင်တာနက်ပေါ်မှာ တွေ့နေရတဲ့ Miracle Detox ဖျော်ရည်တွေ၊ ဆေးမှုန့်တွေနဲ့ သဘာဝ အိမ်တွင်းကုထုံးတွေက အသည်းအဆီဖုံးတာကို ပျောက်ကင်းအောင် မကုသနိုင်ပါဘူး ခင်ဗျာ။ ဒါပေမဲ့ သိပ္ပံနည်းကျ လူနေမှုပုံစံ ပြောင်းလဲခြင်း (Metabolic Correction) အားဖြင့် ရက်ပေါင်း ၃၀ အတွင်း အသည်းထဲက အဆီနဲ့ ရောင်ရမ်းမှုကို သိသိသာသာ လျှော့ချပေးနိုင်ပါတယ်။ အသည်းအဆီဖုံးတာကို ရက် ၃၀ အတွင်း သဘာဝအတိုင်း ထိန်းချုပ်ဖို့ အဓိက လုပ်ဆောင်ရမယ့် အချက် (၅) ချက် ကို မျှဝေပေးလိုက်ရပါတယ် ခင်ဗျာ👇 🔍 ရက် (၃၀) အတွင်း အသည်းအဆီ သက်သာစေမည့် နည်းလမ်း (၅) သွယ် 📉 ၁။ ကိုယ်အလေးချိန် လျှော့ချပါ (Weight Loss) : မိမိ ခန္ဓာကိုယ်အလေးချိန်၏ ၅% ခန့် လျှော့ချရုံမျှဖြင့် အသည်းထဲမှ အဆီများကို သိသိသာသာ လျော့ကျစေပါတယ် (၇% မှ ၁၀% အထိ ကျပါက အသည်းရောင်ရမ်းမှုပါ ပျောက်ကင်းနိုင်ပါသည်)။ ⚠️ [သတိပြုရန်] - အဆာခံပြီး အတင်း လျှော့သည့် Crash Diet လုပ်ပါက အသည်းကို ပိုမို ပျက်စီးစေနိုင်သဖြင့် တစ်ပတ်လျှင် ၀.၅ ကီလိုခန့်မှ စ၍ မှန်မှန်သာ လျှော့ချသင့်ပါတယ်။ 🥚 ၂။ ပရိုတင်း (Protein) လုံလောက်အောင် စားပါ : ကစီဓာတ် (Carbohydrate) များပြီး ပရိုတင်း နည်းပါးသည့် အစားအစာများသည် အင်ဆူလင် မတိုးခြင်း (Insulation Resistance) ကို ဖြစ်စေပြီး အသည်းအဆီဖုံးခြင်းကို ပိုဆိုးစေပါတယ်။ ပဲအမျိုးမျိုး၊ တို့ဖူး၊ ကြက်ဥ၊ ငါးနှင့် ဆီမကြော်ထားသည့် ကြက်သားတို့ကို ဦးစားပေး စားသုံးပါ။ ဝမ်းမချုပ်စေရန် ရေများများသောက်ပြီး အမျှင်ဓာတ် (Fiber) ပါအောင် တွဲစားပေးပါ။ 🚫 ၃။ ချက်ချင်း ဖြတ်တောက်ရမည့် အရာများ : 🥤 Fructose ပါသော အချိုရည်များ - အချိုရည်များ၊ သကြားလုံးများနှင့် သစ်သီးဖျော်ရည်များ (Fructose သကြားသည် အသည်း၌ အဆီအဖြစ် တိုက်ရိုက် ပြောင်းလဲပါသည်)။ 🍞 သန့်စင်ထားသော ကစီဓာတ်များ - ဂျုံဖြူ မုန့်များ၊ ပေါင်မုန့်ဖြူ၊ မုန့်ချိုများ။ 🌙 ညဉ့်နက်မှ စားခြင်း - ညဉ့်နက်မှ အစာစားခြင်းနှင့် မကြာခဏ သရေစာ စားခြင်း။ 🍺 အရက်သေစာ - အရက်သေစာ လုံးဝ ဖြတ်ခြင်း (အသည်းဆဲလ်များ ပျက်စီးမှုကို အရှိန်အဟုန် မြှင့်ပေးလို့ပါ)။ 🚶‍♂️ ၄။ ကိုယ်လက်လှုပ်ရှားမှု ပုံမှန်လုပ်ပါ (Physical Activity) : ပြင်းထန်သည့် အားကစားများ လုပ်စရာ မလိုပါဘူး။ တစ်ပတ်လျှင် ၅ ရက်၊ တစ်နေ့လျှင် မိနစ် ၃၀-၄၀ ခန့် သွက်သွက်မြန်မြန် လမ်းလျှောက်ပေးရုံဖြင့် အသည်းထဲမှ အဆီများကို လောင်ကျွမ်းစေပြီး အင်ဆူလင် တုံ့ပြန်မှုကို ကောင်းမွန်စေပါတယ်။ 😴 ၅။ အိပ်စက်ခြင်းကို ဂရုစိုက်ပါ (Sleep Schedule) : ညဘက် အိပ်စက်ချိန်တွင် အသည်းက ပြုပြင်ထိန်းသိမ်းမှုများ ပြုလုပ်တာဖြစ်သဖြင့် အိပ်ရေးပျက်ပါက စိတ်ဖိစီးမှုဟော်မုန်း (Cortisol) မြင့်တက်ပြီး အသည်းအဆီဖုံးတာ ပိုဆိုးစေပါတယ်။ ညစာကို ည ၈ နာရီမတိုင်ခင် စားပြီး၊ ညစဉ် အိပ်ချိန် ၇ နာရီမှ ၈ နာရီ ပြည့်အောင် အိပ်စက်ပါ။ 🧐 မိမိအသည်း တကယ် သက်သာလာတာကို ဘယ်လို သိနိုင်မလဲ? အသည်းဟာ နောက်ဆုံးအဆင့် ရောက်မှသာ လက္ခဏာ ပြတတ်သည့် အင်္ဂါဖြစ်သဖြင့် လက္ခဏာ မရှိတာတစ်ခုတည်းဖြင့် စိတ်မအေးရပါဘူး။ 📏 ပြင်ပ လက္ခဏာ - ကိုယ်အလေးချိန် လျော့ကျလာခြင်း၊ ခါးဆိုဒ် သေးလာခြင်း။ 🧪 ဆေးဘက်ဆိုင်ရာ စစ်ဆေးမှု - သွေးစစ်သည့်အခါ အသည်းအင်ဇိုင်းများ ကျသွားခြင်းနှင့် UltraSound / Fibroscan (အသည်းအဆီနှင့် အမျှင်ဓာတ် တိုင်းတာစက်) ပြန်ရိုက်ကြည့်ခြင်းဖြင့် အသည်းတိုးတက်မှုကို အတိအကျ ခြေရာခံနိုင်ပါတယ်။ 💡 အနှစ်ချုပ် အကြံပြုချက် အသည်းအဆီဖုံးခြင်း သက်သာစေဖို့ ဆေးဝါးတွေ၊ အားဆေးတွေထက် ၈၀% သော ကုသမှုဟာ မိမိ၏ လူနေမှုဘဝ ပုံမှန် ပြောင်းလဲခြင်း (Healthy Lifestyle) ကနေပဲ လာတာ ဖြစ်ပါတယ်။ ရက် ၃၀ မျှ စည်းကမ်းရှိရှိ နေထိုင်ခြင်းက သင့်အသည်း ကျန်းမာရေးကို လုံးဝ ပြောင်းလဲပေးနိုင်ပါတယ် ခင်ဗျာ။ ⚠️ အထူးသတိပြုရန် ပြင်းထန်သော အဝလွန်ခြင်း၊ အမျိုးအစား (၂) ဆီးချို၊ နှလုံးရောဂါ အခံရှိသူများနှင့် အသည်းအင်ဇိုင်း အလွန်တက်နေသူများအနေဖြင့် အသည်းအထူးကု ဆရာဝန်များနှင့် သေချာစွာ တိုင်ပင် ကုသမှု ခံယူရန် လိုအပ်ပါသည် အသည်းကျန်းမာရေး စောင့်ရှောက်နိုင်ကြဖို့ ကျန်းမာရေး Post လေးကို အခုပဲ Share လုပ်ပြီး လက်ဆင့်ကမ်း မျှဝေပေးလိုက်ပါဦးနော်။ 💙✨ #DrThura #FattyLiverReversal #MetabolicCorrection #NAFLD #MASLD #Fibroscan #LiverHealth #HealthyLifestyle #AvoidFructose #အသည်းအဆီဖုံးခြင်း #ကျန်းမာရေးဗဟုသုတ

Dr. Thu Ra

Open In TikTok:

Region: TH

Thursday 06 August 2026 02:12:06 GMT