@cambodianeedspesce789: ⚖️ ស្វែងយល់ពី «សវនាការ» និងទម្រង់សេចក្តីសម្រេចរបស់តុលាការទាំង ៤ ថ្ងៃនេះមកពិនិត្យមើលលំដាប់លំដោយ និងអត្ថន័យគតិយុត្តឱ្យបានត្រឹមត្រូវបំផុត ដើម្បីកុំឱ្យមានការប្រើប្រាស់ពាក្យច្រឡំតទៅទៀត៖ ១. សវនាការ (Court Hearing) • គឺជានីតិវិធីដេញដោល និងទាញហេតុផលដោយផ្ទាល់មាត់ជាសាធារណៈនៅក្នុងបន្ទប់ជំនុំជម្រះ ដោយមានការចូលរួមពីភាគីពាក់ព័ន្ធ មុននឹងតុលាការធ្វើការកាត់សេចក្តីបញ្ចប់រឿងក្តី។ ២. សាលដីកា (Judgments of Higher Courts) • ចេញដោយ៖ សាលាឧទ្ធរណ៍ ឬតុលាការកំពូល (សាលាជម្រះក្តីជាន់ខ្ពស់)។ • លក្ខណៈ៖ ជាការកាត់សេចក្តីបញ្ចប់រឿងក្តីលើអង្គសេចក្តី ក្រោយសវនាការទាញហេតុផលដោយផ្ទាល់មាត់។ ៣. សាលក្រម (Judgments of Lower Court) • ចេញដោយ៖ សាលាដំបូងរាជធានី-ខេត្ត (តុលាការជាន់ទាប)។ • លក្ខណៈ៖ ជាការកាត់សេចក្តីបញ្ចប់រឿងក្តីនៅជំហានដំបូងបង្អស់។ ៤. ដីកាសម្រេច (Orders) • ចេញដោយ៖ ចៅក្រមទោល ឬក្រុមប្រឹក្សា នៃសាលាដំបូង សាលាឧទ្ធរណ៍ ឬតុលាការកំពូល។ • លក្ខណៈ៖ សម្រេចលើចំណាត់ការនីតិវិធី ឬវិធានការបណ្តោះអាសន្ន (ឧទាហរណ៍៖ ដីកាសម្រេចរក្សាការពារ)។ ៥. ដីកាបង្គាប់ (Mandates) • ចេញដោយ៖ ចៅក្រមស៊ើបសួរ ឬក្រុមប្រឹក្សាជំនុំជម្រះ (ព្រះរាជអាជ្ញាអាចចេញបានត្រឹមដីកានាំខ្លួន មិនអាចចេញដីកាបង្គាប់ឱ្យចាប់ខ្លួនបានឡើយ)។ • លក្ខណៈ៖ បង្គាប់ដល់កងកម្លាំងសាធារណៈឱ្យអនុវត្តវិធានការបង្ខំ (ឧទាហរណ៍៖ ដីកាបង្គាប់ឱ្យចាប់ខ្លួន ឬដីកាបង្គាប់ឱ្យឃុំខ្លួន)។ 📖 ឯកសារយោងគតិយុត្ត (References)： • ក្រមនីតិវិធីព្រហ្មទណ្ឌ ឆ្នាំ២០០៧ (មាត្រា ១៩០ ដល់ មាត្រា ២២៣ ស្ដីពីដីកាផ្សេងៗរបស់ចៅក្រមស៊ើបសួរ) • ក្រមនីតិវិធីរដ្ឋប្បវេណី ឆ្នាំ២០០៦ (មាត្រា ១៩១ ស្ដីពីទម្រង់នៃការសម្រេច) #ចំណេះដឹងច្បាប់ #រៀនច្បាប់ #សវនាការ #តុលាការកម្ពុជា #ច្បាប់កម្ពុជា

Cambodia Need peace 🇰🇭

Open In TikTok:

Region: KH

Thursday 06 August 2026 04:22:43 GMT