@somalistream: Kulanka todobaadkan ee Geedfadhi #51 wuxuu noqon doonaa mid xog-ogaalnimo gaar ah wata, maadaama uu marti inooga yahay mid kamid ah siyaasiyiinta ugu khibradda dheer Soomaalida; Danjire Xuseen Cali Ducaale (Cawil). Barnaamijku wuxuu si taariikh leh uga sheekayn doonaa xogtii hoose ee Inqilaabkii 1961 iyo isbaddalkii milatarigu talada kula wareegeen ee 1969. Danjire Cawil wuxuu si qoto-dheer ugu daadegi doonaa dhacdooyinkii taariikhda dalka beddelay, isaga oo daaha ka rogi doona xaqiiqooyinka Kacaankii 1969, dhacdooyinkii Dagaalkii 1977, iyo qaabkii ay u samaysameen Jabhadihii hubaysnaa ee dalka ka hanaqaaday. Wuxuu sidoo kale geedfadhigani wax ka tilmaami doonaa xilligii uu Safiirka ahaa, maxkamadayntii iyo xabsigii uu la maray saraakiishii kale ee dalka, iyo waayo-aragnimadiisii markii loo magacaabay Guddoomiyaha Degmada Ceelbuur. Sidoo kale, barnaamijka waxaa lagaga hadli doonaa qorshihii dhiirranaanta ahaa ee isaga iyo Cabdiraxmaan Tuur ay saraakiil Itoobiyaan ah kaga soo tahriibiyeen gudaha Addis Ababa, sheekadii xasaasiga ahayd ee dhexmartay isaga iyo Meles Zenawi markii ay ciidamada Itoobiya soo galeen Xamar, xaaladda Waqooyi Bari, iyo dooda ku saabsan ictiraafka Somaliland iyo Israa’iil. Haddaba, ha moogaanin inaad daawato barnaamijkan oo dhammaystiran berri oo Jimco ah, saacadu marka ay tahay 4PM xilliga Geeska Afrika. Geedfadhi, Guri kasta iyo Gobolkasta.

Somali Stream

Open In TikTok:

Region: SO

Thursday 06 August 2026 11:16:31 GMT