@jetisutv: Талдықорғанда Жансүгіров көшесіндегі тұрғын үйлер жаңартылып жатыр 🏗️ Талдықорғанда қаланың сыртқы келбетін жақсарту жұмыстары жалғасуда. Биыл Жансүгіров көшесіндегі 24 көпқабатты тұрғын үйдің қасбеті мен 33 тұрғын үйдің шатырына жөндеу жүргізу жоспарланған. Жұмыстың барысымен Жетісу облысының әкімі Бейбіт Исабаев танысты. Қазіргі таңда бірқатар тұрғын үйде жөндеу жұмыстарының 40–60%-ы аяқталған. Сонымен қатар көшедегі магистральдық жылу желілері де жаңғыртылып жатыр. Жоба аясында 3,5 шақырым жылу құбыры ауыстырылып, жұмыстар аяқталған соң жол жабыны толық қалпына келтіріледі. Нысанды жылыту маусымы басталғанға дейін пайдалануға беру жоспарланған. Өңір басшысы биыл Жансүгіров көшесін толық жаңғырту көзделгенін, ал келесі жылы мұндай жұмыстар қаланың басқа бөліктерінде де жалғасатынын айтты. Дереккөз: Жетісу облысы әкімінің баспасөз қызметі. #жетісутелеарнасы#jetisutv#жетісуоблысы#тұрғынүй#қасбет

jetisutv

Open In TikTok:

Region: KZ

Thursday 06 August 2026 12:14:19 GMT