@skykiyqrago: #ခွင့်မလွှတ်နိုင်ရင် ကျောခိုင်းခြင်းကိုပဲ ရွေးချယ်ပါ ခွင့်လွှတ်ခြင်းဆိုတာ စိတ်နှလုံးအတွက် ကြီးမားတဲ့ သက်သာရာနဲ့ ငြိမ်းချမ်းခြင်းကို ဆောင်ကြဉ်းပေးနိုင်တဲ့ မြင့်မြတ်သော လုပ်ရပ်တစ်ခု ဖြစ်ပါတယ်။ ဒါပေမယ့် လက်တွေ့ဘဝမှာ ပြောသလောက် မလွယ်ကူပါဘူး။ တချို့သော ကိစ္စရပ်တွေမှာ အထူးသဖြင့် ကိုယ့်ရဲ့ မာန၊ သိက္ခာနဲ့ တိုက်ရိုက်သက်ဆိုင်လာတဲ့ ခံစားချက် ဒဏ်ရာတွေမှာ ခွင့်လွှတ်ဖို့ဆိုတာ တကယ်ကို ခက်ခဲနက်နဲလှပါတယ်။ လူ့ဘဝခရီးလမ်းမှာ အခြားသူတွေရဲ့ ပြုမူဆက်ဆံပုံ စကားလုံးတွေနဲ့ လုပ်ရပ်တွေကြောင့် စိတ်ဒဏ်ရာ ရတာမျိုးတွေ အနည်းနဲ့အများ ကြုံတွေ့ရလေ့ရှိပါတယ်။ ဒီလို ဒဏ်ရာတွေ ရလာတဲ့အခါ "ခွင့်လွှတ်လိုက်ပါ" ဆိုတဲ့ အကြံပေးစကားကို မကြာခဏ ကြားရတတ်ပါတယ်။ မှန်ပါတယ်။ ခွင့်လွှတ်ခြင်းက ကိုယ့်စိတ်ကို ပြန်လည်လွတ်မြောက်စေပြီး အမှန်တကယ် ငြိမ်းချမ်းခြင်းကို ပေးစွမ်းနိုင်ပါတယ်။ ဒါပေမယ့် ခွင့်လွှတ်ဖို့အတွက် ပုခုံးထက်မှာ လေးလံလွန်းနေတဲ့ အခိုက်အတန့်တွေလည်း ရှိတတ်ပါတယ်။ တချို့သော ကိစ္စရပ်တွေမှာ ခွင့်လွှတ်ဖို့ ခက်ခဲရတာဟာ ကိုယ့်ရဲ့ အတ္တနဲ့ မာနတွေနဲ့ တိုက်ရိုက် ဆက်နွှယ်နေတတ်လို့ပါ။ ကိုယ့်ရဲ့ လေးစားတန်ဖိုးထားမှုကို ထိခိုက်စေခဲ့ရင် ယုံကြည်မှုကို အလွဲသုံးစားလုပ်ခံလိုက်ရရင် (ဒါမှမဟုတ်) မတရား သက်ရောက်ခံခဲ့ရရင် ဒီအခြေအနေမှာ ခွင့်လွှတ်လိုက်တာဟာ ကိုယ်ကပဲ အရှုံးပေးလိုက်ရသလိုလို အမှားကို လက်ခံပေးလိုက်ရသလိုလို မာနက တားဆီးထားတတ်ပါတယ်။ စိတ်ထဲမှာ နာကျင်မှုနဲ့အတူ စည်းခြားထားမိတဲ့ မာနကြောင့် ခွင့်လွှတ်ဖို့ဆိုတာ စကားအဖြစ်တောင် ပြောရခက်တဲ့အရာ ဖြစ်သွားပါတယ်။ ခွင့်မလွှတ်နိုင်တဲ့အခါ စိတ်ထဲမှာ ဒေါသတွေ၊ အာဃာတတွေ တောက်လောင်လာတတ်ပါတယ်။ ဒါပေမယ့် အဲဒီဒေါသကို အခြေခံပြီး တုံ့ပြန်လိုက်ရင် ကိစ္စရပ်တွေက ပိုမို ရှုပ်ထွေးသွားရုံသာမက ဆိုးကျိုးတွေကိုပဲ ဖြစ်ပေါ်စေပါတယ်။ ဒေါသနဲ့ ပြန်လည်တုံ့ပြန်ခြင်းက တစ်ဖက်လူကို နာကျင်စေတာထက် ကိုယ့်ရဲ့ စိတ်ချမ်းသာမှုကို အရင်ဆုံး ဖျက်ဆီးလိုက်တာပဲ ဖြစ်ပါတယ်။ အကယ်၍ ခွင့်လွှတ်ဖို့ အရမ်းခက်ခဲနေသေးရင် ကိုယ့်ကိုယ်ကို အတင်းအကြပ် ဖိအားပေးစရာ မလိုပါဘူး။ ဒီလိုအချိန်မှာ ဥပေက္ခာပြုလိုက်တာ (သို့မဟုတ်) ကျောခိုင်းထွက်ခွာလိုက်တာက အကောင်းဆုံး ဆုံးဖြတ်ချက် ဖြစ်ပါတယ်။ ကျောခိုင်းလိုက်တယ်ဆိုတာက အားနည်းချက်ကြောင့် ထွက်ပြေးတာ မဟုတ်ပါဘူး။ ကိုယ့်ရဲ့ စိတ်အေးချမ်းရေးအတွက် အဆိ,ပ်အတောက်ဖြစ်စေတဲ့ အခြေအနေ သို့မဟုတ် ဒေါသဖြစ်စေမယ့်သူဆီကနေ စည်းတစ်ခုခြားပြီး ဝေးဝေးနေလိုက်တာ ဖြစ်ပါတယ်။ ဥပေက္ခာပြုလိုက်တာက ရ.န်သူအဖြစ် စိတ်ထဲ ထားမထားတော့ပဲ တုံ့ပြန်မှုတွေ မလုပ်တော့ပဲ ကိုယ့်လမ်းကို အေးချမ်းစွာ ဆက်လျှောက်ဖို့ ရွေးချယ်လိုက်တာ ဖြစ်ပါတယ်။ ကျောခိုင်းလိုက်ခြင်းက ဒေါသနဲ့ တုံ့ပြန်ခြင်းထက် ပိုမို ရင့်ကျက်ပြီး ကိုယ့်စွမ်းအင်တွေကို အကျိုးမရှိတဲ့ ကိစ္စတွေမှာ မကုန်ခမ်းစေပဲ ကာကွယ်ပေးပါတယ်။ ခွင့်လွှတ်နိုင်ရင်တော့ အကောင်းဆုံးသော စိတ်၏ ငြိမ်းချမ်းခြင်းကို ရရှိမှာဖြစ်ပါတယ်။ ဒါပေမယ့် စိတ်ဒဏ်ရာတွေ သက်သာဖို့ အချိန်လိုနေသေးရင် ဒါမှမဟုတ် မာနက တားဆီးနေဆဲဆိုရင် မလိုလားအပ်တဲ့ ဒေါသအမုန်းတွေနဲ့ တုံ့ပြန်မယ့်အစား အေးဆေးစွာ ကျောခိုင်း ဥပေက္ခာပြုလိုက်ပါ။ မိမိကိုယ်ကို ချစ်ခြင်းရဲ့ အဓိက သော့ချက်ဟာ အနှောင့်အယှက်ဖြစ်စေတဲ့ အရာတွေကို တွန်းလှန်ဖို့ ဒေါသထွက်နေခြင်း မဟုတ်ပဲ ကိုယ့်ရဲ့ ငြိမ်းချမ်းမှုကို ရွေးချယ်ပြီး အေးချမ်းစွာ ကျောခိုင်းတတ်ခြင်းပဲ ဖြစ်ပါတယ်။ ဒါကြောင့် ခွင့်လွှတ်နိုင်ရင် ခွင့်လွှတ်လိုက်ပါ ခွင့်မလွှတ်နိုင်ရင် ကျောခိုင်းလိုက်ပါလို့ အကြံပြုပါရစေ.......။ #crdစာသား #ချစ်တဲ့စိတ်လေးနဲ့ကြည့်ပေးပါနော်😘