@shahidserwanderashay: خالید محمد ئەمین ناسراو بە (بێستون بارۆیی) ساڵی (1957) لە گوندی بارۆیی ناوچەی بازیان لەدایک بووە. پۆلی (شەشەمی سەرەتایی) لە گوندەکەی خۆیان تەواو کردووە، بەهۆی سەرقاڵی بنەماڵەکەی بەکاری وەرزێری و ئاژەڵدارییەوە وازی لە خوێندن هێناوە. ساڵی (1976) پەیوەندی کردووە بە ڕێکخستنەکانی کۆمەڵەی ڕەنجدەرانی کوردستانەوە. ساڵی (1977) بووە بە پێشمەرگە لە سنووری هەرێمی ٥ ی قەرەداخ. یەکێک بووە لە پێشمەرگە ڕزگاربووەکانی کارەساتی (هەکاری). بەهۆی چالاکییەکانییەوە لە سنوورەکانی (قەرەداخ، بازیان، هەمەوەند و جەباری) لە ساڵی (1980) کراوە بە فەرماندەی کەرتی چواری جەباری. لە کۆتایی ساڵی (1979) لەگەڵ (سەبرییە محمد) هاوسەرگیری کردووە. لە ڕۆژی (1980/11/17) لە شاخی شۆراوە شەهید بوو و لە گوندی بارۆیی بە خاک سپێردراوە. شەهید بیستۆن لەسەر شاخەکە شەهید بوو، بەگوێرەی وتەی شایەتحاڵەکان تا کاتی شەهید بوونی بەرگرییەکی زۆری لە خۆی و پێشمەرگەکانی دەوروبەری کردووە. (20) ڕۆژ پێش شەهید بوونی کچێکی بەناوی (مەهاباد) لەدایک بووە.

شەھیدی فەرماندە سیروان دێڕەشەی

Open In TikTok:

Region: IQ

Thursday 06 August 2026 19:05:43 GMT