2025 August လ တုန်းက မထက်တင်ပေးခဲ့တဲ့ Spa, Hair Salon တို့မှာလုပ်ပြီး ပါမစ်က Food Processing Worker ဖြစ်နေရင် MOM က သက်တမ်းထပ်တိုးပေးမှာမဟုတ်သလို အသစ်တင်တဲ့သူတွေလည်းရမှာမဟုတ်လို့ အေးဂျင့်တွေက ဒီအလုပ်တွေကို Work Permit ရတယ်ပြောရင် မလုပ်ကြဖို့ သတိပေးခဲ့ပါတယ်။ ဒီအလုပ်တွေကို Spass နဲ့ဆို မြန်မာအလုပ်သမားအတွက်ရပေမယ့် Work Permit နဲ့ဆို လုံးဝ မရပါဘူးဆိုတာ သတိပေးခဲ့ပါတယ်. ဒီလို ပါမစ်လိမ်လည်လျှောက်ထားမှုများကို 2025 Sep လောက်ကနေ စပြီး MOM ကစတင်စစ်ဆေးခဲ့ပြီး အလုပ်သမားတွေ အတွက်လည်း အလုပ်သစ် ရှာဖွေဖို့ အချိန်ရအောင် Grace Period အနေ နဲ့ ပေးခဲ့ပုံ ရပါတယ် . နောက်ပိုင်း ဒီလို ပါမစ် လိမ်လည် လျှောက်ထားမှု့တွေကို တနည်းနည်း နဲ့ MOM က သိရှိသွားတဲ့ အချိန်မှာလဲ သက်ညှာမှုအနေနဲ့ MOMက အလုပ်ရှင်ကို စစ်ဆေးဆဲကာလမှာ အလုပ်သမားကို TJS ဆိုတာထုတ်ပေးပြီး အလုပ်လုပ်ခွင့်ပေးခဲ့ပါတယ်။ ခုတနှစ်ပြည့်တဲ့ အချိန်မှာတော့ MOM ကအချက်အလက်တွေစုဆောင်းပြီး ဒီလိုပါမစ်နဲ့အလုပ်လုပ်သူတွေကို အလုပ်ရှင်တွေကိုအကြောင်းကြားပြီး မကြာခင်ပါမစ်တွေကို ဖျက်သိမ်းမည်ဖြစ်ကြောင်း ရက်အကန့်အသတ်အတွင်းအလုပ်ရှာရန် အကြောင်းကြားစာတွေပို့နေပြီ ဖြစ်ပါတယ်။ MOM သတ်မှတ်ရက်အတွင်း အလုပ်မရှာနိုင်လို့ စင်ကာပူနိုင်ငံအပြင်ပြန်ထွက်ရတဲ့သူတွေက နောက်ထပ်အလုပ် သစ် ပြန်ရှာ တဲ့ အချိန် ပါမစ် ကျ မကျ ဆိုတာ ခုချိန်ထိ မပြောနိုင်သေးတဲ့ အရာပါ။ ဒါကိုဘာကြောင့်ပြောရလဲဆိုရင် ပါမစ်ထဲကအလုပ်နဲ့ တကယ်လုပ်တဲ့အလုပ် မတူညီတာဟာ Illegal Employment လို့ခေါ်တဲ့ တရားမဝင်အလုပ်လုပ်ကိုင်မှုဖြစ်တာကြောင့် အလုပ်သမားကလည်းအချိန် အတိုင်းအတာတခုထိ အကြောင်းမကြားဘဲလုပ်ကိုင်နေတာဟာ သိရဲ့သားနဲ့လုပ်တယ်လို့ယူဆတဲ့အတွက် ပါမစ်မဖျက်သိမ်းခင် သက်ညှာသောအားဖြင့် အလုပ်ရှာခွင့်ပေးထားခြင်းဖြစ်ပါတယ် ။ မထွက်ခင် အလုပ်ရရင်တော့ ပါမစ်ကျပေမယိ့ အပြင်ထွက်သွားပြီးရင်တော့ ပြန်ရမရ ဘယ်သူမှမပြောနိုင်သေးတဲ့အခြေအနေပါ။ ဒီတော့ MOM စာမရောက်သေးတဲ့သူတွေ အချိန်ရတာမို့ အလုပ်ကြိုရှာကြဖို့ မထက်သတိပေးချင်ပါတယ်။ #စင်္ကာပူ #စင်္ကာပူရောက်ရွှေမြန်မာများ #စလုံးအလုပ်အကိုင် #စလုံး - @tonetonechit20