မင်းအောင်လှိုင်ကို လက်ခံခြင်းကြောင့် ထိုင်းနိုင်ငံ၏ ဒီမိုကရေစီပုံရိပ်နှင့် နိုင်ငံတကာဂုဏ် သိက္ခာ ထိ ခိုက်ပြီး OECD အဖွဲ့ဝင်နိုင်ငံဖြစ်လာရေး ကြိုးပမ်းမှုအပေါ် ထိခိုက်လာနိုင်ဟု ထိုင်းအတိုက်အခံ ပြည်သူ့ပါတီ ဝေဖန်ရှုတ်ချသတိပေး ရန်ကုန်၊ ဩဂုတ် ၇ မြန်မာစစ်ခေါင်းဆောင် မင်းအောင်လှိုင်အား ထိုင်းအစိုးရက တရားဝင်လက်ခံကြိုဆိုခဲ့ခြင်းကြောင့် ထိုင်းနိုင်ငံ၏ ဒီမိုကရေစီပုံရိပ်နှင့် နိုင်ငံတကာဂုဏ်သိက္ခာကို ထိခိုက်စေနိုင်သည့်အပြင် စီးပွားရေးပူးပေါင်းဆောင်ရွက်မှုနှင့် ဖွံ့ဖြိုးတိုးတက်ရေးအဖွဲ့ (Organization for Economic Co-operation and Development – OECD) တွင် အဖွဲ့ဝင်နိုင်ငံအဖြစ် ဝင်ရောက်နိုင်ရေး ကြိုးပမ်းမှုကိုပါ ထိခိုက်လာနိုင်ကြောင်း ထိုင်းနိုင်ငံ၏ အဓိကအတိုက်အခံပါတီဖြစ်သည့် ပြည်သူ့ပါတီ (People's Party – PP) ကဝေဖန်ရှုတ်ချသတိပေးလိုက်သည်။ ထိုင်းပြည်သူ့ပါတီမှ လွှတ်တော်အမတ် Anusorn Thammajai က မင်းအောင်လှိုင်ကို နိုင်ငံတော်အဆင့် ကြိုဆိုလက်ခံခြင်းသည် ကျယ်ကျယ်ပြန့်ပြန့် လူ့အခွင့်အရေးချိုးဖောက်မှုများ ကျူး လွန်သည်ဟု နိုင်ငံတကာကထောက်ပြထားသည့် မြန်မာစစ်ကောင်စီကို နိုင်ငံရေးအရ တရားဝင်မှု (legitimacy) ပိုမိုရရှိစေနိုင်ကြောင်း ပြောကြားခဲ့သည်။ ၎င်းက ထိုင်းအစိုးရအနေဖြင့် အနာဂတ်တွင် မင်းအောင်လှိုင်အား နိုင်ငံတော်အဆင့် ဖိတ် ကြားလက်ခံခြင်းမျိုးကို ပြန်လည်သုံးသပ်သင့်ကြောင်း၊ ထိုင်းလွှတ်တော်နှင့် အစိုးရအနေဖြင့် လူ့အခွင့်အရေးကို လေးစားလိုက်နာရေးနှင့် အာဆီယံ၏ ဘုံသဘောတူညီချက် ၅ ရပ် (Five-Point Consensus) အပေါ် ဆက်လက်ရပ်တည်ကြောင်း အခိုင်အမာပြသရန် လိုအပ်ကြောင်း တိုက်တွန်းသည်။ ထို့ပြင် မြန်မာနိုင်ငံအရေးကို ငြိမ်းချမ်းစွာဖြေရှင်းနိုင်ရေးအတွက် ထိုင်းနိုင်ငံ၊ မြန်မာဒီမိုကရေစီအင်အားစုများ၊ တိုင်းရင်းသားလက်နက်ကိုင်အဖွဲ့အစည်းများနှင့် အရပ်ဘက်အဖွဲ့အစည်းများ ပါဝင်သည့် ပူးတွဲငြိမ်းချမ်းရေးကော်မတီတစ်ရပ် ဖွဲ့စည်းသင့်ကြောင်းလည်း အဆိုပြုခဲ့သည်။ စစ်တပ်ဦးဆောင်သည့် မြန်မာစစ်ကောင်စီနှင့် နီးကပ်စွာ ဆက်ဆံခြင်းသည် ထိုင်းနိုင်ငံ၏ ဒီမိုကရေစီကို တန်ဖိုးထားသည့် နိုင်ငံတစ်နိုင်ငံအဖြစ် ရပ်တည်မှုကို အားနည်းစေနိုင်ပြီး နိုင်ငံတကာအသိုက်အဝန်း၏ ယုံကြည်မှုကို ထိခိုက်စေနိုင်ကြောင်း ပြည်သူ့ပါတီက ထောက်ပြထားသည်။ အထူးသဖြင့် ထိုင်းနိုင်ငံက အဖွဲ့ဝင်နိုင်ငံဖြစ်လာရန် ကြိုးပမ်းနေသည့် Organization for Economic Co-operation and Development (OECD) တွင် ဝင်ရောက်နိုင်ရေး လုပ်ငန်းစဉ်အပေါ် အပျက်သဘောဆောင်သော သက် ရောက်မှုများ ဖြစ်ပေါ်လာနိုင်ကြောင်းလည်း ပြည်သူ့ပါတီက ဆက်လက်သတိ ပေးသည်။ တစ်ဖက်တွင် Amnesty International Thailand ကလည်း မင်းအောင် လှိုင် ၏ ထိုင်းနိုင်ငံခရီးစဉ်အတွင်း စီးပွားရေးပူးပေါင်းဆောင်ရွက်မှုကိုသာ ဦးစားပေးဆွေးနွေးခြင်း မပြုဘဲ လူ့အခွင့်အရေးကိစ္စများကို အဓိကထား ဆွေးနွေးရန် ထိုင်းအစိုးရကို တိုက်တွန်းသည်။ Amnesty International Thailand ၏ အဆိုအရ ၂၀၂၁ ခုနှစ် စစ်အာဏ ာသိမ်းပြီးနောက် မြန်မာ နိုင်ငံတွင် အရပ်သားများအပေါ် လေကြောင်းတိုက်ခိုက်မှုများ၊ မတရားဖမ်းဆီးမှုများ၊ ညှဉ်းပန်းနှိပ် စက်မှုများနှင့် အခြားလူ့အခွင့် အရေးချိုးဖောက်မှုများ ဆက်လက်ဖြစ်ပွားနေပြီး၊ ထိုင်းအစိုးရအနေ ဖြင့် မင်းအောင်လှိုင်နှင့် တွေ့ဆုံရာတွင် အရပ်သားများအပေါ် တိုက်ခိုက်မှုများ ရပ်တန့်ရေး၊ မတရားဖမ်းဆီးခံထားရသူများ ပြန်လွှတ်ပေးရေးနှင့် နိုင်ငံတကာရာဇ ဝတ်မှုများအတွက် တာဝန်ယူမှုရှိစေရေးတို့ကို အလေးထား တိုက်တွန်းသင့်ကြောင်း တောင်းဆိုထားသည်။ ဓာတ်ပုံ- Thai PBS ။@ZayarTBZ 11 News @ZayarTBZ 7.1News🍉 #ပြည်တွင်းသတင်း #zayartbz #မြန်မာသတင်း #ဒေသသတင်းရင်းမြစ် #စစ်တပ်ယုတ်မာမှုပေါင်းစုံငါတို့အသိဆုံး - @zayartbz7news