1. Bisi kayu tumbuh tang enda bedaun lebat enggau manah, tang iya diberi urat ti kering ambi enda tumbang. 2. Bisi batu ti enda bekilat baka tekang intan, tang iya ulih nampung berat lebuh diindik kaki pansa bala mayuh ke bejalai. 3. Bisi ai ke tenang engka enda ulih narit ati nyadi rindu, tang iya meh ke paling dalam ti ngasuh ati lantang nadai bepampang. 4. Bisi bejuta bintang ayan ba langit mingkai, enda semua tampak pegari peda mata, tang tiap iti bintang ke ayan sepengudah pemulai siang, iya tetap begitang ba langit enggau chara sereta endur diri empu. 5. Bisi maya langit ke enda terang, belebuh panas, belebuh ga ujan, tang penyadi ujan pan bisi meri pemanah laban ulih ngasuh utai ke idup tau tumbuh enggau manah. 6. Bisi urat kayu ke tumbuh tang enda dipeda laban dalam tanah, tang enti nadai urat nyengkam pun kayu sigi enda ulih bediri entap. 7. Bisi sungai ke bearus deras, tang ai ba tiap pati simpang sungai ke betampung pala nitihka diri empu nuju arus tasik. 8. Bisi bejuta kesulai ke ada, tang enda semua alu ulih terebai, bisi ke idup menyana terebai ngelinggi dunya, bisi ga ada mati nyadi ulat entaruh nyawa. Created By: quotesibanofficial Admin: @Quotesibanofficial_admin💫 Imej: AI Created Chapter 1: To Be Continued🥰 (TBC) *Share//Copylink//Comments//Repost//Reshare* #literature #ibanquotes #katakatabijak #fypmalaysia #sarawak - @quotesibanofficial