@gancapost.info: Fransada yaşayan jurnalist Qənimət Zahid Fransa məhkəməsinin qərarı ilə müəyyən edilmiş kompensasiyanı tam ödəyib. “Gəncə Post” xəbər verir ki, bu barədə Teleqraf-a Demokratiya və İnsan Hüquqları Komitəsinin sədri, hüquq üzrə fəlsəfə doktoru Çingiz Qənizadə məlumat verib. Qənizadənin sözlərinə görə, 2025-ci il oktyabrın 21-də Paris Cinayət Məhkəməsi Qənimət Səlim oğlu Zahidov barəsində hökm çıxarıb. O bildirib ki, məhkəmə qərarına əsasən, Qənimət Zahid Fransa qanunvericiliyinə uyğun olaraq təqsirli bilinib və ona cərimə ilə yanaşı, Çingiz Qənizadəyə dəymiş maddi və mənəvi zərərə görə kompensasiya ödəmək öhdəliyi qoyulub. Hüquq müdafiəçisinin sözlərinə görə, 2019-cu ildə başlanan məhkəmə prosesi pandemiya səbəbindən uzanıb və 2025-ci ilin oktyabrında yekunlaşıb. Ç.Qənizadə qeyd edib ki, Qənimət Zahid qərarın icrasından yayınmağa çalışsa da, Fransadakı vəkillərinin fəaliyyəti nəticəsində məhkəmənin müəyyən etdiyi kompensasiya iki gün əvvəl tam ödənilib. Onun fikrincə, Fransa məhkəməsinin qərarı xaricdə yaşayan və böhtan xarakterli məlumatlar yaydığı iddia olunan şəxslərlə bağlı hüquqi baxımdan mühüm presedent formalaşdırır. Qənizadə hesab edir ki, bu qərar xaricdə yaşayan şəxslərin də törətdikləri əməllərə görə yaşadıqları ölkələrin qanunvericiliyi çərçivəsində hüquqi məsuliyyət daşıya biləcəyini göstərir. #gancapostinfo #qənimətzahid #çingizqənizadə #fransa #məhkəmə

GancaPost

Open In TikTok:

Region: AZ

Friday 07 August 2026 08:15:20 GMT