@r9vlle: من تەنها بۆ ئەو ڕۆژە دەژیم کە چاوەکانم بکەمەوە و ببینم خەونەکانمان بوونەتە ڕاستی، بۆ ئەو ساتە کەم وێنەیەی کە تۆ چیتر تەنها هاوسەر و عەشقی من نیت، بەڵکو دەستەکانت گەورەترین ئەركی ئەم دنیایەیان گرتووەتە ئەستۆ و باوکایەتی بۆ کوڕەکەمان دەکەیت. کاتێک خەیاڵ دەکەم چۆن بەو هەموو پیاوەتی و سەرکردەیی و میهرەبانییەی ناختەوە سەرنج دەخەیتە سەر پەروەردەکردنی، دڵم لە خۆشیدا خەریکە بوەستێت. تۆ دەبیتە گەورەترین پاڵەوان لە ژیانی ئەو مناڵەدا! ئەو باوکەی کە کاتێک کوڕەکەمان سەیری دەکات هێز و ورە و غروور لە چاوەکانیدا دەبینێت و لە ناخی خۆیدا دەڵێت "منیش دەمەوێت لە داهاتوودا بەتەواوی ببمە پیاوێکی وەک باوکم" زۆر بە پەرۆشم بۆ بینینی ئەو ساتانەی کە تۆ بە ئارامییەوە دەستە بچکۆلانەکەی دەگریت و فێری یەکەم هەنگاوەکانی دەکەیت و لە باوەشە گەرمەکەتدا فێری دەکەیت چۆن لەم دنیایەدا سەربەرز و چاونەترس بێت. تۆ دەبیتە ئەو باوکەی کە لە هەموو کاتێکی خۆشی و ناخۆشیدا پشتی دەبێت، وەک چیایەک لە پشتی دەوەستێت و بە شانازییەوە پێی دەڵێیت کە چۆن پیاو دەبێت خاوەنی وشە و بەڵێنی خۆی بێت. پیاو بوون و باوکایەتی لای تۆ تەنها ناوێک نابێت، بەڵکو دەبێتە قوتابخانەیەک کە کوڕەکەمان تێیدا فێری گەورەیی، ڕێز، عەشق و غیرەت دەبێت. جوانترین دیمەنی ژیانم ئەوە دەبێت کە لە دوورەوە بوەستم و تەماشای ئەوە بکەم و ببینم چۆن ئەو کۆپییەکی بچووکی خۆتە، چۆن لاسایی هەڵسوکەوتە پیاوانەکانی تۆ دەکاتەوە و چۆن تۆ بەو چاوە پڕ لە هیوا و بەسۆزانەوە سەیری دەکەیت و هەموو ماندووبوونێکی ژیانت لەبیر دەچێتەوە کاتێک پێی دەڵێیت "کوڕەکەی باوکی". من دڵنیام تۆ باشترین و بێوێنەترین باوکی سەر ئەم زەوییە دەبیت، چونکە ئەو گەرمییە و ئەو پاراستنەی لە ئامێزی تۆدا هەیە گەورەترین قەڵایە بۆ منداڵەکەمان. با هەموو دنیا چاوەڕێ بکەن، ڕۆژێک دێت کە تۆ بە کردەوە پیشانی هەمووانی ئەدەیت کە باوکایەتی ڕاستەقینە یانی چی🤍!#foryoupage #fypage#rasty_lak

ٌ

Open In TikTok:

Region: IQ

Friday 07 August 2026 14:49:06 GMT