وحشتوووني مره 💗 الوصفه هذه ضروري تجربونها مرره لذيذه وماتاخذ اكثر من ٣٠ دقيقه 🥩👾 - فيلي تشيز ستيك 🥖 المقادير: * ستيك لحم ريب آي مقطع شرايح نحيفة * بصل أبيض * فلفل أخضر بارد 🫑 * فطر مقطع * جبنة بروفولون 🧀 * خبز ساندويتش طويل 🥖 * زبدة 🧈 * ثوم مفروم 🧄 * شوية صويا صوص * شوية ورشسترشاير صوص * ملح وفلفل أسود 🧂 صوص الجبن 🫕: * ٣ شرايح جبن شيدر * ¼ كوب كريمة طبخ الطريقة: 1. نشوح البصل مع الزبدة لين يذبل ويتحمر شوي، وبعدها نشيل شوي منه على جنب. 2. نضيف فوقه اللحم على نار عالية ونقلب لين يتحمر ويستوي، ما راح ياخذ وقت طويل، يادوب ٣–٥ دقايق بالكثير. 3. بعدها نضيف الثوم والفلفل الأخضر والفطر والملح والفلفل الأسود. 4. نضيف شوية صويا صوص وورشسترشاير صوص عشان يعطون اللحم نكهة أومامي وعمق أكثر. 5. نحط شرائح البروفولون فوق اللحم ونغطيه شوي لين يذوب الجبن. 6. لصوص الجبن: نحط شرايح الشيدر مع كريمة الطبخ في طاسه مناسبه للمايكرويف، وندخلها المايكرويف ٣٠ ثانية. نطلعها ونخلطها زين لين يصير الصوص ناعم وكريمي. 7. نحط اللحم والجبن داخل الخبز، ونضيف فوقه البصل اللي شلناه على جنب، وبعدها نصب صوص الجبن. 8. نقدمها مع البطاطس الحارة، وعليكم بألف عافية 💗 🍟 - @noor3_33