@seymur.huseynn: Son günlər sosial şəbəkələrdə “150 ballıq yeni ixtisaslar” ifadəsi tez-tez paylaşılır. Amma bu, düzgün məlumat deyil. Əziz abituriyentlər, gəlin məsələni qısa və aydın izah edim. Əvvəllər bu ixtisasların minimal bal tələbi 200 bal idi. Dövlət İmtahan Mərkəzi bu ildən etibarən I qrupda bir neçə, II qrupda 11, IV qrupda isə 1 ixtisas üzrə minimal bal tələbini 200 baldan 150 bala endirib. Bu nə deməkdir? Bu o deməkdir ki, ümumi balınız 150 və ya daha yüksəkdirsə, ikinci mərhələ (blok) imtahanından isə ən azı 50 bal toplamısınızsa, həmin ixtisasları seçim siyahınıza əlavə edə bilərsiniz. Diqqət! Bu ixtisaslar yeni yaradılmış ixtisaslar deyil. Onlar əvvəldən də mövcud idi. Sadəcə, həmin ixtisaslar üçün minimal seçim balı 200-dən 150-yə endirilib. Bir vacib məqamı da unutmayın. Bəzi abituriyentlər düşünür ki, artıq bu ixtisasların keçid balı 150-dir və 150 bal toplamaqla qəbul olmaq mümkündür. Bu, tamamilə yanlış fikirdir. 150 bal qəbul balı deyil, seçim üçün minimal tələbin aşağı salınmasıdır. Qəbul isə həmişə olduğu kimi müsabiqə əsasında aparılır və keçid balları ixtisasa olan rəqabətdən, plan yerlərindən və abituriyentlərin nəticələrindən asılı olaraq formalaşır. Ona görə də “150 ballıq yeni ixtisaslar” ifadəsinə aldanmayın. Yeni ixtisas yoxdur. Sadəcə bəzi mövcud ixtisaslar üzrə minimal seçim balı 200-dən 150-yə endirilib. İxtisas seçimi ilə bağlı doğru və rəsmi məlumatlar üçün bizi izləməyə davam edin. Seymur Hüseynov Təhsil meneceri 099 332 37 36

Seymur Huseyn

Open In TikTok:

Region: AZ

Friday 07 August 2026 18:46:19 GMT