ብፍቕርኺ ኣእቲኺ ንልበይ ማሪኽዮ፣ ሕጂ ግና ከድኪ በይንይ ገዲፍክዮ። ጠላም መጸውዒኺ ንነፍሰይ ዘሳተየ፣ ሕጂ ቃንዛ ኰይኑ ንብዓተይ ዘውሓዘ። ንድሕሪት እጥምት የለኽን ኣብ ጥቓይ፣ ብዘይ ፍቕርኺ በይነይ ኮይኑ ዕድለይ። ኩሉ እቲ ዝኣተኽዮ ናይ ሓባር መብጽዓ፣ ሎሚ ተቐይሩ ኮይኑ ናይ በይነይ ስቓይ። ከም ጽኑዕ ከውሒ ክንነብር ዝሓሰብናዮ፣ እቲ ናይ ፍቕሪ ቃል ብሓባር ዝሃነጽናዮ፣ ከመይ ኢሉ ፈረሰ ብሓንቲ ቅጽበት ዓይኒ፣ ትሕዝቶኺ ሒዝኪ ርሕቀት መሪጽክኒ። ኣብ ማእከል ጸልማት ኮይነ ንዓኺ እጽውዕ፣ ልበይ ብናፍቆትኪ ይነድድ ይነብዕ። እቲ ብርሃን ዝነበረ ፍሽክታኺ ሎሚ ርሒቑ፣ ፍቕርኺ ኣብ ውሽጠይ ዓሚቝ በሰላ ሓዲጉ። መንገዲ ክሰጉም እግረይ ዓቕሚ ስኢኑ፣ እቲ ዘሕለፍናዮ ኩሉ ናብ ሕልሚ ተቐይሩ። ትማሊ ሓጐስ ነይሩ ሎሚ ግና ናብ ቃንዛ ተቀይሩ ፣ ብዘይካ ምስልኺ የለን ዝጸናንዓኒ ኣብ ጥቓይ። ቃላትኪ ይዝክሮ እቲ ናይ ፍቕሪ ዜማ፣ ሕጂ ግና ተሪፉ ናይ ብሕትውና ጽልግልግታ። እታ ዘፍቀረት ነፍሰይ ሎሚ ትሓትት ኣላ፣ ክንድዚ ዝኣክል ፍቕሪ ከመይ ኢሉ ይጠፍእ ኢላ? ይኹን እምበር ትዕግስቲ ክኸውን እዩ መጸናንዒይ፣ ምስ ግዜ ክሓዊ እዩ እዚ ዝቖሰለ ልበይ። ሕጂ ብንብዓት እንተደለኹኺ እኳ ፍጹም ዘይትርከቢ፣ ኣብ ታሪኽ ህይወተይ ግን ትነብሪ ኢኺ ከም በሰላ ናይ ልቢ። - @kiyaye014