လောက (၃)ပါး🙏 ============= ဖြစ်ပျက်နေသော သဘောတရားများကို လောကဟု ခေါ်သည်။ ထိုလောကသည်-- ၁။ ဩကာသလောက ၂။ သတ္တလောက ၃ ။သင်္ခါရလောကဟု - (၃)ပါး အပြားရှိသည်။ ( ၁ )။ " ဩကာသလောက " ============= သတ္တဝါတို့၏ တည်ရာနေရာ ဘုံဌာနသည် သြကာသလောကမည်၏။ ထိုဩကာသလောကသည် --- (၁)။ကာမ = ၁၁ ဘုံ (၂)။ရူပ - ၁၆ ဘုံ (၃)။အရူပ - ၄ဘုံအားဖြင့် (၃၁)ဘုံ ရှိပါသည်။ ကာမ(၁၁)ဘုံ ဟူသည် အပါယ် (၄) ဘုံ၊ ကာမသုဂတိ (၇) ဘုံတို့ ဖြစ်ပါသည်။ အပါယ် (၄) ဘုံ ချမ်းသာကင်းသော ဘုံများကို အပါယ်ဘုံဟု ခေါ်သည်။ (၁) ငရဲဘုံ = ချမ်းသာဟူ၍ မြူတစ်စေ့မျှ မရှိသောဘုံ။ ငရဲကြီး (၈) ထပ် =========== (က) သဉ္ဇီဝ = သည္ကိုဝ်းငရဲ (ခ) ကာလသုတ္တ = ကာလသုတ်ငရဲ (ဂ) သင်္ဃာတ = သင်္ဃာတငရဲ (ဃ) ရောရုဝ = ရောရုဝငရဲ (င) မဟာရောရုဝ = မဟာရောရုဝငရဲ (စ) တာပန = တာပနငရဲ (ဆ) မဟာတာပန = မဟာတာပနငရဲ (ဇ) အဝီစိ = အဝီစိငရဲ ဥဿဒ ငရဲငယ် (၅)မျိုး =============== ထိုငရဲကြီး ရှစ်ထပ်တွင် အထပ်တိုင်းအထပ်တိုင်း၌ အမျိုးမျိုးသော ဆင်းရဲ ဒုက္ခများပြားလှသည့် ငရဲ ငယ် ငါးခုတို့ဖြင့် ဝန်းရံလျက်ရှိသည်။ထိုငရဲငယ် များကို "ဥဿဒငရဲ” ဟု ခေါ်၏။ထိုဥဿဒခေါ် ငရဲ ငယျငါးခုတို့ကား - (က) ဘင်ပုပ်ငရဲ (ဂူထ) (ခ) ပွာပူငရဲ (ကုက်ကုဠ) (ဂ) လက်ပံတောငရဲ (သိပ္ပလိဝန) (ဃ) သန်လျက်တောငရဲ (အသိပတ္တ) (င) ကြိမ်ပိုက်ချောင်းငရဲ (ဝေတ္တရဏီ) တို့ဖြစ် ပါသည်။ (၂)။တိရစ္ဆာန်ဘုံ (၃)။ပြိတ္တာဘုံ (၄)။အသုရကာယ်ဘုံ ကာမသုဂတိ (၇) ဘုံ ============== ကောင်းမူရှိသူတို့ လားရောက်၍ စည်းစိမ် ချမ်းသာများကို ခံစားရာ ကာမဘုံကို ကာမသုဂတိဘုံဟု ခေါ်သည်။ (၁) လူ့ဘုံ = လူတို့၏ နေရာဘုံ၊ (၂) စာတုမဟာရာဇ်ဘုံ = ဓတရဋ္ဌ၊ ဝိရူဠက၊ ဝိရူပက္ခ၊ကုဝေရဟု ဆိုအပ်သော နတ်မင်းကြီး လေးပါးတို့၏ နေရာဘုံ၊ (၃) တာဝတိံသာဘုံ = မာဃလုလင်နှင့် ကုသိုလ် ပြုဖက်၃၃-ဦးတို့၏ နေရာဘုံ၊ (၄) ယာမာဘုံ = ဆင်းရဲဒုက္ခမှ ကင်းသော နတ် တို့၏ ဖြစ်ရာဘုံ၊ (၅) တုသိတာဘုံ = မိမိ၏ စည်းစိမ်ကျက်သရေတို့ ကို နှစ်သက်တတ်သော နတ်တို့၏ ဖြစ်ရာဘုံ၊ (၆) နိမ္မာနရတိဘုံ = ကိုယ်တိုင်ဖန်ဆင်းထားသော စည်းစိမ်ဖြင့် မွေ့လျော်တတ်သော နတ်တို့၏ ဖြစ် ရာဘုံ၊ (၇) ပရနိမ္မိတဝသဝတ္တိဘုံ = သူများဖန်ဆင်းပေး သော စည်းစိမ်ကို မိမိအလိုဆန္ဒအတိုင်း ဖြစ်စေနိုင် သော နတ်တို့၏ ဖြစ်ရာဘုံ။ ဤကာမသုဂတိ (၇)ဘုံတွင် နံပါတ် ====================== (၁) လူ့ဘုံမှတပါး ၊ကျန် (၆)ဘုံကို နတ်တို့၏ နေရာ ဖြစ်၍ “နတ်ပြည် (၆)ထပ်” ဟု ခေါ်သည်။ ရူပ (၁၆) ဘုံ ရူပကုသိုလ်ဈာန်ရသူတို့ ရောက်ရာ ဖြစ်သော ကြောင့် “ရူပဘုံ” ဟု ခေါ်၏။ ထို ရူပဘုံသည် (၁၆)ဘုံ ရှိသည်။ (၂)။ “သတ္တလောက” ========== လူ၊ နတ်၊ ဗြဟ္မာ ၊တိရစ္ဆာန် ပြိတ္တာ၊ အသုရ ကာယ်စသော ပုဂ္ဂိုလ် သတ္တဝါ အပေါင်းသည် “သတ္တလောက” မည်၏။ ထိုသတ္တဝါတို့သည် အမျိုးအစားဖြင့် ရှိသည်။ (က)။ပုထုဇဉ် ပုဂ္ဂိုလ် - ၄မျိုး (ခ)။အရိယာ ပုဂ္ဂိုလ် - ၈မျိုးအားဖြင့် - ၁၂မျိုး "ပုထုဇဉ်ပုဂ္ဂိုလ် (၄) မျိုး" ================ (၁) ဒုဂ္ဂတိအဟိတ်ပုဂ္ဂိုလ် = မကောင်းမူ ဒုစရိုက်တို့ ကို ပြုလုပ်ခဲ့သောကြောင့် ထိုအကုသိုလ်ကံတို့၏ အကျိုးဖြစ်သော အဟိတ် အကုသလ ဝိပါက် ဥပေက္ခာ သန္တီရဏစိတ်ဖြင့် ပဋိသန္ဓေနေသော ပုဂ္ဂိုလ်များဖြစ်သည်။ (၂) သုဂတိအဟိတ်ပုဂ္ဂိုလ် = ကုသိုလ်ပြုစဉ် အခါက ဉာဏ်လည်းမပါ၊ ရှေ့နောက် အကုသိုလ် ခြံရံ၍လည်း ပြုခဲ့သော အညံ့စား ကုသိုလ်တို့ကြော င့်ဖြစ်သော အဟိတ်ကုသလဝိပါက် ဥပေက္ခာသန္တီရဏ စိတ်ဖြင့် ပဋိသန္ဓေနေသော ပုဂ္ဂိုလ်များဖြစ်သည်။ (၃) ဒွိဟိတ်ပုဂ္ဂိုလ် = အမောဟဟူသော ဉာဏ်ပညာမပါဘဲ အလောဘ၊ အဒေါသဟူသော ဟိတ်နှစ်ပါးဖြင့်သာ ပဋိသန္ဓေနေသော ပုဂ္ဂိုလ်။ (၄) တိဟိတ်ပုဂ္ဂိုလ် = အလောဘ၊ အဒေါသ၊ အမောဟဟူသော (ဉာဏ်ပညာပါသော) ဟိတ်သုံး ပါးဖြင့် ပဋိသန္ဓေနေသော ပုဂ္ဂိုလ်။ “အရိယာပုဂ္ဂိုလ် (၈) ယောက်" ==================== (၁) သောတာပတ္တိမဂ္ဂဋ္ဌာန်ပုဂ္ဂိုလ် (၂) သကဒါဂါမိမဂ္ဂဋ္ဌာန်ပုဂ္ဂိုလ် (၃) အနာဂါမိမဂ္ဂဋ္ဌာန်ပုဂ္ဂိုလ် (၄) အရဟတ္တမဂ္ဂဋ္ဌာန်ပုဂ္ဂိုလ် (၅) သောတာပတ္တိဖလဋ္ဌာန်ပုဂ္ဂိုလ် (၆) သကဒါဂါမိဖလဋ္ဌာန်ပုဂ္ဂိုလ် (၇) အနာဂါမိဖလဋ္ဌာန်ပုဂ္ဂိုလ် (၈) အရဟတ္တဖလဋ္ဌာန်ပုဂ္ဂိုလ် ပုထုဇဉ်ပုဂ္ဂိုလ်(၄)ယောက်တွင် နောက်ဆုံးဖြစ် သော တိဟိတ်ပုထုဇဉ်ပုဂ္ဂိုလ်နှင့် အရိယာပုဂ္ဂိုလ် (၈)ယောက်အားဖြင့် (၉)ယောက်သော ပုဂ္ဂိုလ်တို့ ကိုအလောဘ၊ အဒေါသ၊ အမောဟဟူသော ဟိတ် သုံးပါးနှင့်ပဋိသန္ဓေနေကြသောကြောင့် “တိဟိတ်ပုဂ္ဂိုလ်”ဟုခေါ်သည်။ ဤသို့အားဖြင့် - (က)။ ပုထုဇဉ် - ၄ယောက်။ (ခ)။ အရိယာ - ၈ယောက်။ အားဖြင့် (၁၂) ယောက်သော ပုဂ္ဂိုလ်များကို “သတ္တလောက” ဟု ခေါ်သည်။ (၃)။ "သင်္ခါရလောက" =========== ဖြစ်တတ်၊ ပျက်တတ်သော သဘောရှိသည် ဖြစ်၍ ဘုံသုံးပါး၌ ဖြစ်သော (တေဘူမက) ရုပ်နာမ် တရားတို့သည် သင်္ခါရလောက မည်၏။ ပါမောက္ခချုပ်ဆရာတော်ဒေါက်တာနန္ဒမာလာဘိဝံသ၏ တရားတော်များမှ ပြန်လည်မျှဝေ၍ ကုသိုလ်ပြုပါသည်။ #ဆရာဦးဇင်မင်းသူ #credit #foryourpage owner respect Talahtaw🍀🍀 - @sucitta59