@user8323703597500: #creatorsearchinsights #motivationtostartyourday ရက်ရက်စက်စက် ... "ဒီညပေါ့ .. ဒီည သြဂုတ်လ ၈ ရက်နေ့ညမှာ .. " ရှစ်ရက် ရှစ်လ ရှစ်ဆယ့်ရှစ်ဆိုတဲ့ ၈၈၈၈ .... သြဂုတ်လ ၈ ရက်နေ့ ၁၉၈၈ ခုနှစ် .... ရန်ကုန်မြို့တော်ခန်းမရှေ့မှာ အဲ့ဒီနေ့ရဲ့ နေ့ဘက်နဲ့ ညဘက် .... ရဟန်းရှင်လူ ကျောင်းသားပြည်သူတွေ သွေးမြေကျခဲ့ရတဲ့ နေ့ရက် .... ။ ညအမှောင်ထဲမှာ ပစ်သတ်ခဲ့တာ .. ဒီ ဓါတ်ပုံနှစ်ပုံက သမိုင်းသက်သေ ... ဘယ်တော့မှ မေ့မှာ မဟုတ်ဖူး ... ။ မျိုးအေး (၈၈ မျိုးဆက်)။ ------------ "၈ ရက် ၈ လ ၁၉၈၈ ခုနှစ်၊ ည ၁၁ နာရီ ၄၅ မိနစ်" သြဂုတ်လ ရှစ်ရက် မိုးစက် ဖွဲဖွဲ အောက်မှာ နေ့လည် ၂ နာရီလောက်က စ ဝင်ရောက်လာတဲ့ သက်တန့်ရောင် လူလှိုင်းများ။ လာ ဟေ့ လာကြ။ မဟာဗန္ဓုလလမ်းမပေါ် မျှော်ကာမှန်းလျှက် လှမ်းလို့ ကြိုတယ်၊ ပဲခူးဖက်က ဆင်းလာကြမတဲ့။ ဆူးလေ ခြေရင်း မြေတလင်းမှာ လူခင်းအပြည့် ထိုင်လျှက် တစ်မျိုး ရပ်လျှက်တစ်သွယ်၊ တနံ တလျှား တလမ်းလုံး ဖွေး၊ လူတွေ လူတွေ ရွှေဘုံသာလမ်း တဆုံးမျက်စိ ရှိကြပေ။ ဒီနေ့တော့ မိုးချုပ်တယ် ဆိုတာ မရှိဘူးထင်ရဲ့။ ထင်ခဲ့တဲ့ ကိုယ့်အတွေး သိပ်မဝေးခင် ပျက်ပြယ်။ ဆူးလေလမ်းမဖက် ရပ်ထားတဲ့ ဘတ်(စ်)ကားတွေ ဆန္ဒပြသူများများ ပြန်ကြစေတဲ့။ ဒါပေမယ့် ပြန်မယ့်သူ မရှိခဲ့။ နက်လာတဲ့ ညဉ့်မှာ ဆက်လာမယ့် သူတွေကို မျှော်နေတုန်း မြို့တော်ခန်းမ ထဲ က အော်သံ - “ခု ချိန်က စ အားလုံးပြန်ကြရန်” တဲ့၊ နာရီဝက် အချိန်ပေး ညဉ့် ၁၁ နာရီ ထိုးကာစ အချိန်လေးမှာ လူထုထဲကို ဒီအော်သံ မရောက်ခဲ့ဘူး။ မထင် မထင် ဘယ်သူမှ မထင်မှတ်ပါဘဲ၊ လူစု မခွဲလို့ ပစ်သတဲ့ ... လက်နက်ဆိုလို့ အပ်တိုတစ်ချောင်းတောင် မပါတဲ့ ပြည်သူတွေကို မြို့လယ်ခေါင် မီးအမှောင်ချ၊ မကြားခဲ့ဖူးတဲ့ သေနတ်သံတင်မက လက်နက်ကြီး ပစ်သံက ရင်တစ်ခုလုံး ပွင့်ထွက်သွားမလားတောင် ခံစားရ။ မှောင်နဲ့ မဲမဲ လူသတ်ပွဲမှာ ၊ နီသောသွေးများ လွှမ်းခဲ့ပြီ။ မပီ ဝိုးဝါး ညဉ့်လွှာအောက်မှာ ၊ ကြောက်လန့်တကြား ငို ညဉ်းတွားလျှက် ကမ္ဘာပျက် မတတ်ဖြစ်ခဲ့ပြီ။ အမှောင်ထုထဲ ခြေဦးတည့်ရာ၊ ပြေးကာ လွှားလျှက် ဘယ်ရပ် ဘယ်ဆီ မသိပြီ။ ဒဏ်ရာပွေ့ဖက် မြောင်းကြိုမြောင်းကြား ၊ အားလျားမှောက်လျှက် အသက်လုပွဲ နွဲခဲ့ပြီ။ တချို့လူတွေ လွတ်ရာ လွတ်လမ်း ၊ ထွက်လမ်းရကာ သွေးရူး သွေးတန်း ကြုံးဝါးအော်ဟစ် ယုတ်မာ စစ်တပ် ပြည်သူသတ်တယ်။ ရိုက်ခွဲ လမ်းမီး ဓါတ်တိုင်များကို ထုကြပြီ။ သန်းကောင်ကျော် နာရီပြန် ၂ ချက်၊ တနေ့မှ တည ဆူးလေလမ်းဟာ နေ့ နဲ့ ည ပြောင်းပြန် ကွာခြား ငရဲသားလို ဖြစ်ခဲ့ပြီ။ ဟိုမှ သည်မှ အော်သံ ဟစ်သံ ညီးညူသံနဲ့ သေနတ်သံ တချို့ ကြိုကြား ပေါ်ထွက် ညဉ့်နက်နက်မှာ ရှစ်ရက် ရှစ်လ ရှစ်ဆယ့်ရှစ်။ (ခင်မေခက်)။ အဲ့ဒါ ၈၈၈၈ သွေးတွေ .. ပြည်သူ့သွေးတွေ ကျခဲ့ရတာ .. ဘယ်သူတွေ လက်ချက်လည်း ??? copy credit. credit original video & photo. #စစ်တပ်ဆိုတာ ပစ်ရင်မှန်အောင်ပစ်တယ် မိုးပေါ်ထောင်ပြီး ချောက်တာမပါဘူးဆိုတဲ့ #ဦးနေဝင်းပြောစကား #1988တုန်းက 8.8.2026

အနီရဲသစ္စာ🛑🚩🦚

Open In TikTok:

Region: TH

Saturday 08 August 2026 03:01:38 GMT