@silent06576: دا ستا مینه چې د چا د غـــــــــاړې هار شي د دنيا له لذتونو نـــــــــــه بېـــــــــــــزار شي په کاږه نظر کتل کـــه دې لـــــــــــږ پرېښود ډېر بې لارې غـريبان به بـــــــــيا په لار شي خوبان ځکه کناره کنـــــــــاره ګـــــــــــرځي هر يو څيز شي بې قيمته چې بســـيار شي خطاکار ته په کم نــظـــــــــر مه ګـــــــــوره خس و خار هم د ســــــــــــړي کله پکار شي کله کاڼي هم له ګلـــــــــــــــو پاســــــته لګي کله خوږ سړی د ګلـــــو په ګـــــــــــــزار شي په مقصد د مينې هله سړی پــــــــــــوه شي په سړی کښې سړيتوب چې رابــــــيدار شي هره ورځ مې يوه ورا وي پـــــــــــه زړه پنډه څه د ستا او څه غمـــــــــــــونه د روزګار شي چې د زړه کور دې تاريک وې څـه فايده ده ؟ که د بلې هزار شمعې پـــــــه مـــــــــــزار شي داسې وخت هم په ســـــــړی راځي "طاہرہ" چي خندا د ګلو هم ورباندې بـــــــــــــار شي ❤️