@ttlj.23: السَّلام عليكم، طبعاً ح أبدي وياكم بقصتي. اسمي ملاك علي عبد الهادي، مواليد 2000، أعايش ببغداد. عندي أخ وأخت أصغر مني. المهم، أمي وأبوي تزوجوا عن حب دام خمس سنوات، لأن أهل أبوي چانوا رافضين زواجهم. تبدأ قصتي سنة 2008، من إجه اليوم اللي أمي تمرضت مرض خبيث وماله علاج. أبوي بگد حبة ألامي ليلة ما يشوفة، وحتى مرتة الأولى أهملها وراحت لأهلها. بيوم چان الصبح، واني دا أروح للمدرسة، أبوي نادانا. علي: بوية ملاك، گعدي خوأنچ، أريد أحچي وياكم. ملاك: محمد، چنات، گعدوا. بابا يريدنا، گعدوا حتى أتأخر، عندي امتحان. گعدنا ورحنا لبابا. أمي چانت عيونها حمر من التعب، وأبوي ميت من القهر. علي: أسمعوني زين، أمكم مريضة. أريد أخذها لدولة أعالجها، فرح تچون وياي. بس ملاك راح تضل علمود دراستچ، وأگدر أوديج بيت خالتچ ميار لو بيت العائلة؟ ملاك: لا بابا، أريد أجي وياكم، ما أريد أضل بيتهم. علي: بوية ما نتأخر، بس الجواز مالچ ضايع وأمج دا تسوء حالتها. ملاك: زين... هم يحبوني؟ علي: لغير عمامچ شلون يضربونچ؟ ملاك: تمام، أروح، بس أجيبلي حلويات. ويا ريت ما گلت أروح. بعد يومين، أبوي أخذني للسليمانية. وگفنا يم بيت چبير گليش، وانفتح الباب وطلع رجال ثلاثيني تقريباً. الرجال: أهلاً بأبو ملاك، تفضل أخوية. عرفت إنه عمي. طبينا جوة، ولگيت مرة تستقبلنا، وورا شوية عرفت إنها مرت عمي واسمها منى. منى: يلا حبيبتي گومي ارتاحي، علمود باچر عمچ ياخذچ يسجلچ بمدرسة. دخلت غرفة زينة ونمت. ما أحس إلا أبنية تكعدني، عمرها تقريباً 14 أو 15. گالتلي: گومي غسلي وتعالي، منتظرينچ ناكل. گمت وغسلت ونزلت. ومن نزلت انصدمت من عددهم، عائلات وناس تسولف وناس تباوع بجهازها. وگفت علدرچة من الصدمة. وحدة صاحتلي: تعالي يمة، لا تخافين. رحت گعدت يمهم وخايفة، ما أعرف أحد. وإحنا ناكل، حچى عمي أسعد. أسعد: بنتي حبيبتي، اعتبري البيت بيتچ، وشوية تتعودين وتعرفينينة واحد واحد. هزيت راسي وگلت: تمام. بعدها تجمعوا بالصالة، وإجتني أبنية گالتلي: عادي نصير صديقات؟ وافقت، اسمها منار وعمرها 12. مرت الأيام طبيعي، وأهلي چانوا يتصلون بية دائماً. بس هالأيام مرت ومحد متصل. نتصل عليهم؟ ما يردون. مرت عشرة أيام ومحد رد، وحتى المدرسة بطلت أروح، لأن كل تفكيري بأهلي. مر شهر كامل وماكو خبر. بيوم إجه عمي سجاد. سجاد: بوية لا تخافين، اتصلت عليهم. گالوا الجهاز ضايع وأمج دا تتعالج طبيعي. ارتاحيت وشمرت روحي بحضن عمي من الفرحة. سجاد: يلا، من باچر أوصلچ للمدرسة. فرحت ورحت أجهز نفسي. ثاني يوم رحت للمدرسة، ومن خلص الدوام إجه عمي، بس چان ضايج وما حچى. وصلني للبيت وراح. مرت الأيام، وبقيت مصدگة إن جهاز أهلي ضايع. بيوم گال عمي سجاد: راح أروح لأهلچ أشوفهم وأرجع. فرحت وگلتله: من توصل افتحلي كام، أريد أشوفهم. بهالأشهر تعرفت على العائلة كلها. عندي أربع عمام: سجاد، أسعد، مهند وياسر. سجاد متزوج وعنده طفلين، منار وصادق. وأسعد متزوج وعنده مريم وليان وجواد. مهند خاطب، وياسر مو متزوج ويدرس بالجامعة، وعندي جدي وجدتي وباقي العائلة. جانوا لطيفين، إلا صادق وجواد، دائماً يسوولي مشاكل. ضليت يمهم تقريباً سنة، ونجحت من الثاني وصرت ثالث. چنت شاطرة گليش، والمعلمات يحبوني، وتعلقت بالمدرسة. وبديت أنسى ملامح أهلي وأگول: ليش ما أخذوني؟ ما يريدوني؟ عمي دائماً يكول: موجودين طبيعي، وأمج دا تتحسن. لحد ما بيوم گال سجاد: ملاك، أهلچ راح يجيون بعد شهرين. فرحت، بس انقهرت. ليش ما أخذوني وياهم؟ كعدنا نتغدى، وبعدها رحت نمت علمود أتجاهل صادق وجواد. چنت نايمة وما أحس إلا شخص حاضني. عبالي عمي سجاد، لأن دائماً يسويها. كعدت وقت الأذان، وانصدمت من شفت جواد نايم يمي. خفت وگمت بسرعة. ملاك: شبيك؟ شتريد مني؟ هو گام وطلع بكل برود، وكأنه ما صار شي. عصبت وگلت: أنتقم. اليوم الثاني رحت للمدرسة، ومن رجعت گلت لسجاد: ملاك: أريد أروح لمحل الألعاب. راح وياي، واشتريت طكاك وشعالة وفأر لعبة. سجاد: شسوين بيهن؟ ملاك: أريد يصير عندي نفس صادق. سجاد: تقلدين ولد؟ ملاك: ح أزعل. دفع الفلوس ورجعنا للبيت. ومن وصلنا... لكيت هوسة يم الباب، وبچي وصياح وناس متجمعة. وگفت بمكاني من الصدمة. شنو اللي صار؟ وليش الكل يبچي؟ وهل الموضوع إله علاقة بأهلي؟ ما چنت أعرف إن اللي راح أشوفه داخل البيت راح يغيّر كلشي بحياتي.

مـَلاگ .

Open In TikTok:

Region: IQ

Saturday 08 August 2026 16:57:39 GMT