پاش چوار ساڵ لە ڕۆیشتنت، دوێنێ شەو گەیشتمە سووریا بۆ بەشداریکردن لە فێستیڤاڵێکی شیعری لەگەڵ چەند هاوڕێیەکی شاعیردا. درەنگانی شەو بوو، لامدایە هۆتێلی «نۆرس لامدا» لە حومس، زۆر ماندوو بووم و یەکسەر خەوم لێکەوت. بەڵام دواتر لەناکاو بە ئاگا هاتمەوە و چوومە لای پەنجەرەکە تاکو تەماشای دەرەوە بکەم؛ لە دیواری بەرامبەر پەنجەرەی ژوورەکە بە خەتێکی سووری گەورە نووسرابوو: «خۆشەویستیمان بۆت هێندەی خۆشەویستیمان بۆ شۆڕش پیرۆزە»، لە ژێریشیدا بە خەتێکی سووری بچووکتر نووسرابوو: «غەسان کەنفانی». لەو کاتەدا خۆم بۆ نەگیرا. غەسان، یادەوەرییەکانت لە هەموو شوێنێک بەدوامەوەن، وەک کابووسێک لە هەموو جێیەک شوێنپێم هەڵدەگرن، بەو جۆرەش هیوا و چاوەڕوانیم بۆ تۆ هەرگیز دواییان نایەت. من لە دوای تۆ ئەو ژنە نامۆیەم کە جگە لە خۆشەویستیت هیچ دڵنەوایی و پەنایەک شک نابەم. ئەو منداڵەم کە منداڵیی لە باوەشیدا دەکوژن و لە خەمێکی هەمیشەیی لەدەستدانی هەست و سۆزی دایکیدا دەژی. - غادە سەمان . . . . #foryou #fyp #viral #foryourpage #fypシ @TikTok morteza pashaei-yeki hast - @dej4vuu2