@s.a.o66: من لە ژیانمدا چاوەڕێی هیچ شتێکی گەورە نەبووم لە مرۆڤەکان و چاوم لە چاکەی کەس نەبووە، تەنها ویستوومە بە ئاشتی و بە دڵێکی پاکەوە لەگەڵ دەوروبەرم بژیم. بەڵام کاتێک تەمەنم ڕۆیشت و ئەزموونم کرد، بینیم کە ئەم دونیایە بۆ من هەمیشە وەک تۆنێلێکی تاریک و ناخۆش بووە، کە لە هەر لایەکەوە لێی نزیک بوومەوە، هیچ شتێکم تێدا نەبینی جگە لە فێڵبازی، تەڵەکە، درۆ و نامەردی. لێرەدا کاتێک ڕاستگۆ دەبیت، وەک ئەوە وایە چەک بدەیتە دەست بەرامبەرەکەت بۆ ئەوەی بتشکێنێت. ​من هەمیشە بە دڵێکی زۆر سادە، بێگەرد و بێ فێڵەوە بەرەو ڕووی خەڵکی دەچووم و وامدەزانی هەمووان وەک خۆم ناخیان سپییە؛ متمانەیەکم پێدەبەخشین کە شایستەی نەبوون. کار گەیشتە ئەوەی بە هەر کەسێکم گوت "من نۆکەرتم، لە خزمەتتدام و وەک برام سەیرت دەکەم"، لەبری ئەوەی کەمێک ڕێزی ئەو هەموو ڕێزگرتن و دڵسۆزییە بگرێت یان لانی کەم پیاوەتیم لەبیر نەکات، کەچی ڕێک لەو کاتەی چاوەڕێم نەدەکرد و پشتم پێ بەستبوو، بە خەنجەرێکی تیژی ناپاکی و خیانەت کێشای بە ناو جەرگ و ناخما و بە جێی هێشتم. ​ئێستا بە تەواوی و بە ڕوونی تێگەیشتم کە لەم دونیایەدا، سادەیی و پاکی دڵ گەورەترین تاوانە کە مرۆڤ بەرامبەر بە خۆی و ژیانی خۆی دەیکات، چونکە لێرەدا خەڵکی ڕێز لە کەسی دڵسۆز ناگرن؛ لێرەدا وەڵامی چاکە و ڕێزگرتن تەنها بە چەقۆ، بریندارکردن و خەیانەت دەدرێتەوە و کەس نرخی مرۆڤایەتی نازانێت. ئێستا فێربووم کە دڵی خۆم تەنها بۆ ئەو کەسانە بکەمەوە کە بە ڕاستی قەدری پاکی دەزانن، نەک ئەوانەی تەنها بۆ بەرژەوەندی خۆیان لە دەورت کۆدەبنەوە #وتەی_دڵ♡ #پەروانە

وتەی دڵ♡

Open In TikTok:

Region: IQ

Saturday 08 August 2026 20:05:06 GMT