कहिलेकाहीँ जिन्दगीसँग एउटा गुनासो हुन्छ। मौका किन फर्केर आउँदैन?समय बितिसकेपछि सम्झनाहरू मात्र फर्केर आउँछन्, तर बितेको समय कहिल्यै फर्किँदैन। मनले चाहेको कुरा सबैले पाउन सक्ने भए, सायद आज धेरै आँखामा अधुरोपनको आँसु हुने थिएन। अहिलेको जीवन पनि यस्तै दौडिरहेको छ। मानिसहरू बाहिरबाट मुस्कुराइरहेका छन्, तर भित्र कतै न कतै आफ्नो छुटेको अवसर, अधुरो सपना र गुमाएको मान्छेको सम्झना बोकेर हिँडिरहेका छन्। कसैलाई समयले साथ दिएन, कसैलाई परिस्थितिले रोक्यो, अनि कसैलाई आफ्नै मान्छेहरूले बुझेनन्। आज हामी यस्तो समयमा छौँ, जहाँ सपना देख्नुभन्दा त्यसलाई पूरा गर्न संघर्ष गर्नुपर्ने अवस्था छ। देशमा परिवर्तनको कुरा हुन्छ, नयाँ आशाका कुरा हुन्छन्, तर आम मानिसको जीवनमा अझै पनि रोजगारी, अवसर र सुरक्षित भविष्यको खोजी उस्तै छ। धेरै युवाहरू आफ्नै देशमा केही गर्न चाहँदाचाहँदै पनि परदेशिन बाध्य छन्। तर जिन्दगी सबैका लागि सधैँ अँध्यारो हुँदैन। औंसीपछि पूर्णिमा आएझैँ, दुःखपछि सुखको दिन पनि आउँछ। फर्केर नआउने मौका सम्झेर जीवन रोक्नु हुँदैन। बितेको समय हाम्रो भाग्य होइन, बाँकी समय हाम्रो सम्भावना हो। सायद हामीले चाहेको सबै नपाऔँला, तर फेरि एउटा नयाँ सुरुवात गर्ने मौका भने सधैँ बाँकी रहन्छ। #everyoneactive #fyp - @untold927