နင့်ကို ငါလွမ်းတယ်… နင်မရှိရင် ငါမရှင်သန်နိုင်လို့ လွမ်းတာမဟုတ်ပါဘူး၊ ငါ့နေ့စဉ်ဘဝရဲ့ အစိတ်အပိုင်းတိုင်းက နင့်ကို မှတ်မိနေသေးလို့ နင်ရှိနေမှာမဟုတ်ဘူးဆိုတာ သိသိရက်နဲ့၊ တစ်နည်းနည်းနဲ့ နင် ပြန်ပေါ်လာမလားဆိုတဲ့ မျှော်လင့်ချက်နဲ့ နေရာတကာမှာ နင့်ကို လိုက်ရှာမိနေတုန်းပဲ… ငါ့ခေါင်းထဲမှာ မေးခွန်းတွေ အမြမေးနေမိတယ်။ ဘာလို့ ငါ့ကို ဆက်သွယ်ဖို့ မကြိုးစားခဲ့တာလဲ။ ငါက အစားထိုးခံရဖို့ အဲဒီလောက်တောင် လွယ်နေလို့လား။ ငါတို့ရဲ့ အစီအစဉ်တွေ၊ ကတိတွေနဲ့ ညတိုင်း စကားပြောခဲ့တာတွေက ငါ့အတွက် အရေးပါသလောက် နင့်အတွက် အဓိပ္ပာယ်မရှိခဲ့ဘူးလား။ တစ်ခါတလေကျရင် ဒီဇာတ်သိမ်းကို နာကျင်မှု သက်သာသွားစေမယ့် အကြောင်းပြချက်တစ်ခုခုများ ရှိမလားဆိုပြီး ဖြစ်ခဲ့တာတွေအားလုံးကို ခေါင်းထဲမှာ ပြန်ပြန်တွေးနေမိတယ်။ငါတို့ရဲ့ အမှတ်တရတွေကြောင့် ညဘက်တွေဆို ငါ အိပ်လို့မရဘူး။ အဆိုးဆုံးက နင် ထွက်သွားတာ မဟုတ်ဘူး... ငါ မပါဝင်တော့တဲ့ ဘဝတစ်ခုကို နင် ရွေးချယ်သွား တယ်ဆိုတာကို သိနေရတာပဲ ဒါပေမယ့် ဘာတွေပဲဖြစ်ဖြစ်၊ ငါ့ရဲ့စိတ်တစ်ထောင့်တစ်နေရာကတော့ ဒီစကားတွေကိုပဲ တီးတိုးရေရွတ်နေမိဆဲပါပဲ... "နင့်ကို ငါ ချစ်တယ်။ နင့်ကို ငါ လွမ်းတယ်။ နင့်ကို ပြန်လာစေချင်တယ်။" ဒါပေမယ့်… "ငါ တခြားတစ်ယောက်ကို ချစ်နေပြီ" ဆိုတဲ့ စကားကို ကြားလိုက်ရတဲ့ အချိန်ကစပြီး ငါ့ကမ္ဘာကြီးက ပြိုလဲသွားတော့တာပဲ… - @midnight_love_talks