@jesusiscoming928: #መዝሙረ 20 (Amen 🧎‍♀️🙌🥹 ¯¯¯¯¯¯¯¯¯¯ ¹ በመከራ ቀን እግዚአብሔር ይስማህ፤ የያዕቆብ አምላክ ስም ያቁምህ። ² ከመቅደሱ ረድኤትን ይላክልህ፥ ከጽዮንም ያጥናህ። ³ ቍርባንህን ሁሉ ያስብልህ፤ የሚቃጠል መሥዋዕትህን ያለምልምልህ። ⁴ እንደ ልብህ ይስጥህ ፈቃድህንም ሁሉ ይፈጽምልህ። ⁵ በማዳንህ ደስ ይለናል፤ በአምላካችን ስም ከፍ ከፍ እንላለን፤ ልመናህን ሁሉ እግዚአብሔር ይፈጽምልህ። ⁶ እግዚአብሔር የቀባውን እንዳዳነው ዛሬ አወቅሁ፤ ከሰማይ መቅደሱ ይመልስለታል፤ በቀኙ ብርታት ማዳን። ⁷ እነዚያ በሰረገላ እነዚያም በፈረስ ይታመናሉ፤ እኛ ግን በአምላካችን በእግዚአብሔር ስም ከፍ ከፍ እንላለን። ⁸ እነርሱ ተሰነካክለው ወደቁ፤ እኛ ግን ተነሣን፥ ጸንተንም ቆምን። ⁹ አቤቱ፥ ንጉሥን አድነው፥ በጠራንህም ቀን ስማን።