@sehti_fd9i9a: 🍽️ 3 وصفات سهلة ولذيذة لنهار الأحد ❤️ وجبة كاملة: طبق مالح + سلطة منعشة + ديسير بالشوكولا 🍫 وصفات بسيطة، بمقادير واضحة، وبدون تعقيد 👌 ⸻ 🥩 1. كويرات اللحم المفروم المتبّلة 🛒 المقادير: * 🥩 500غ لحم مفروم: بقر أو دجاج * 🧅 1 بصلة متوسطة، محكوكة أو مقطعة رقيقة * 🍅 1 طماطم متوسطة، محكوكة * 🧄 2 فصوص ثوم محكوكين * 🌿 2 معالق كبار قزبور ومعدنوس مقطعين * 🌰 1 معلقة صغيرة حبوب الكزبرة مطحونة * 🌿 1 معلقة صغيرة كامون * 🧂 نصف معلقة صغيرة ملح * 🫒 1 معلقة كبيرة زيت الزيتون 👩‍🍳 طريقة التحضير: نخلطو اللحم المفروم مع البصلة، الطماطم، الثوم، القزبور والمعدنوس، حبوب الكزبرة المطحونة، الكامون والملح. نعجنو الخليط مزيان حتى يتجانس، ومن بعد نشكلوه على شكل أصابع . 🔥 نقدروا نطيبوهم: * فالفران على 200°C لمدة 20–25 دقيقة * أو فالـ Air Fryer على 190°C حوالي 15–18 دقيقة * أو فوق المقلاة مع شوية زيت الزيتون حتى يتحمرو مزيان من جميع الجهات. ⸻ 🍅 2. سلطة الطماطم والموزاريلا 🛒 المقادير: * 🍅 3 طماطم ناضجين، مقطعين دوائر * 🧅 1 بصلة صغيرة، مقطعة رقيقة بزاف * 🫒 2 معالق كبار زيت الزيتون * 🍇 1 معلقة كبيرة خل بلسميك * أو 🥢 1 معلقة صغيرة صوص الصوجا إلا ما كانش عندكم البلسميك * 🧀 1 كرة كبيرة موزاريلا * 🌿 شوية قزبور أو الحبق حسب المتوفر * 🧂 شوية ملح 👩‍🍳 طريقة التحضير: فطبق زجاجي، كنحطو البصلة مقطعة رقيقة، كنزيدو عليها زيت الزيتون والخل البلسميك ونخلطو مزيان. كنرتبو فوقها دوائر الطماطم 🍅، ومن بعد كنحطو كرة الموزاريلا فالوسط. إلا ما كانتش الموزاريلا، نقدروا نعوضوها بـ الفرماج الأبيضperly . وفالأخير كنزيدو شوية زيت الزيتون وقطرات من الخل البلسميك من الفوق 😋 ⸻ 🍫 3. كيك الشوكولا بطريقة كتخليه بحال البراوني 🛒 المقادير: * 🍰 500غ كيك بالشوكولا، منزلي أو جاهز * 🥛 500مل حليب * 🍫 3 معالق كبار بودرة الشوكولا * 🍫 1 معلقة كبيرة كاكاو غير محلى، اختياري * 🍯 1–2 معالق كبار سكر، حسب الذوق 👩‍🍳 الطريقة: كنسخنو الحليب مع بودرة الشوكولا والسكر، ونخلطو مزيان حتى تذوب الشوكولا ويتجانس الخليط. كنقطعو الكيك لقطع ونحطوه فطبق. 🥛 السر هنا: كنصبّو كمية مهمة من حليب الشوكولا فوق الكيك، بشوية بشوية، باش يتشرب مزيان ويولي رطب بحال البراوني 🍫🤎. كنغطيوه وندخلوه للثلاجة على الأقل ساعتين باش يشرب الحليب كامل ويولي طري ولذيذ. ✨ وبما أن اليوم الأحد، شوية ديال المتعة مسموحة 😍🍫 هاد الكيك من بعد ما كيشرب الشوكولا كيولي فعلاً تحفة!