@dyi4bzobjrmf: أما متمني شوفتك يوم أقول ليك زايرك وأجيك بي شوق سنين، لا عتاب لا حكاية بتايرك زي العافية بكل الحسابات دايرك وزي الريد البسكن الروح، من غير ما يسألك ولا يحايرك أنا يا بت أبوي الكاتمة في الجوف جمرة جمرة ريد ما بتنطفي، مهما الأيام زادت مرّة مرقتو نار وسكتتو، سيدو بقع الخمرة وكل ما أقول أنسى، تلقاني راجع لي سيرة عيونك السُمرة مقابل جيشك أعزل، لا عندي سيف لا درع واقف قدام عيونك، والريد فيني اتشرّع موتي فيك يا السمرة، لو كان الموت منك ما بفزع أنتِ الحكاية البديتها قلبي، وما عارف لي نهايتها وين تقع لي آخر نفس، موت سوسة في نص تمرة ولو الريد نار، أنا راضي أعيش جوّا جمره ولو الشوق بحر، أنا بقطعو ليك من غير مركب ولا مجداف بس المهم أصل ليك، وألقى منك كلمة تمسح تعب الأيام أنا ما داير كتير، بس شوفتك بتكفيني وضحتك لو جاتني، من هم الدنيا بتنجيني ولو يوم قلتي لي "تعال"، تلقاني قبالك قبل تناديني لأنو الريد ليك ما اختيار، دي حاجة ساكنة فيني يا السمرة، إنتِ ما عابرة في حياتي وخلاص إنتِ الريد البخليني أتحمل وأقول لسه في إحساس ولو الدنيا قست، برضو قلبي عليك ما بقسى لأنو في ناس بنحبهم مرة، وفي ناس بنحبهم لحدي آخر نفس وخلاص. ❤️ #اكسبلورexplore #مليون_مشاهدة❤🔥🔥🔥🔥🔥🔥❤️💥 #CapCut #سودانيز_تيك_توك_مشاهير_السودان🇸🇩 #الهاشتاق