@userxnzelry0sb: للشاعر المرحوم / الحاج عبدالجليل علي بوفلاقه ، شيخ عائله جضران بيت الرابع عيت منصور ( شامخ ) المغاربه ، وهو ابن الشاعر الفحل المجاهد المرحوم #علي #بوفلاقه له قصيدة جميله في حصانه (الآربد) بعد ان مات الحصان في منتصف الخمسينيات..وكانو يطلقون عليه (حصان برقه) في تلك الفترة . حسب ماقيل عن الحصان انه حصان ليس له مثيل من خلال ماذكروه الشعراء.وقال عنه الشاعر موسي قنفود الميجنه لم اشاهد في حياتي قبله ولابعده حصان. وكل من شاف الحصان في تلك الفترة .حصان أسود الون لم يتغلب عليه حصان . وكانت له عروض جميله في الافراح وميادين (الميز ) وكانت اخر عروضه في يوم زفاف الفارس سعدالحضيري في منطقة الفارسي الذي انكسر فيه الحصان ومن ثم مات الحصان .وقال فيه الشاعر عبدالجليل علي بوفلاقه . متحسرأ وباكيأ علي حصانه يقول . ............................... أنعوز العزاء فاللي لذيذ مساره...أنقفز أيجي يقند قوي تياره لاني باير ... ولاني اللي عيل قليل دباير أمغير القدر ماينفعك مالساير .. واللي ينكسر يوعر علي جباره امغير ناللي جاهل وعقلي غاير .. وعاتب علي الدنيا اللي غواره وين قصرن لايام ياما ساير .. انعده الشريف وخيل عيت أحباره وين يخطرو تفرغ أمغير قهاير .. العين دمعها بيده ايجي يجاره أنعوز العزاء فاللي لذيذ مساره ... أنقفز أيجي يقند قوي تياره لانحمله ايتحفا .. ولانحمله تحتي أتجيبا دفه فالصيف ظل وشربته عارفه .. وان العشاء نعزق عليه اعباره أنشده انضاق الليل وين أنلفه .. ايطيرن انعالته امعا مسماره أنعوز العزاء فاللي لذيذ مساره .. أنقفز ايجي يقند قوي تياره يرزق الله ابغيره ... اربد حرير الون فيه مريره يمشي علي لاثنين بتحوكيره .. ويغرد مثيل الديك طول نهاره ويهذب أطراف الدير كيف أنديره .. ويهذب أطراف الدير في مشواره اللي دارها مولاي فيها خيره .. يرزق الله بالي ايبرد ناره لانسها ولانغفا علي تفكيره .. بين الغطأ والنوم مايتواره أنعوز العزاء فاللي لذيذ مساره..أنقفز أيجي يقند قوي تياره ..الشاعر المرحوم /الشيخ عبدالجليل علي بوفلاقه..#علي_المغربي#شعر_شعبي #شعراء_وذواقين_الشعر_الشعبي

فضيل بوهند ( البريقه - برقه📍)

Open In TikTok:

Region: LY

Sunday 09 August 2026 13:09:42 GMT