@ezzmohamed884: يمكن عشان كده صلاح حس إن طرابزون فيها حاجة من ريحة مصر.. محمد صلاح راح طرابزون، وفجأة لقى نفسه اعلان وسط عيلة تركية بسيطة، ست كبيرة بتأكله بإيدها، أكل بيتي، قعدة ولمّة وحكاوي وضحك… وكل حاجة ماشية بعفوية ومن غير أي رسميات. المشهد ده يمكن يبان بسيط، لكنه فيه إحساس صعب تلاقيه في الحياة الغربية اللي ساعات بتبقى كلها شغل ومواعيد وخصوصية ومسافات بين الناس… مفيهاش نفس اللمة ولا الدفا ولا المشاعر اللي بتحسها وإنت قاعد وسط ناس بتعاملك كأنك واحد منهم. يمكن صلاح افتقد النوع ده من الأجواء من غير ما يحس… عشان كده كان مستمتع بالمشهد بالشكل ده. في الآخر مهما وصلت ومهما عشت، تفضل قعدة البيت الهادي والاكله البسيطه الجميلة ولمّة الناس الطيبة… ليهم إحساس تاني خالص وكأن الاعلان بيوصل ان محمد صلاح ف بيته ف مصر مش ف طرابزون ف تركيا 🇪🇬🇹🇷

Ezz Al-Din Mohamed

Open In TikTok:

Region: EG

Sunday 09 August 2026 18:06:05 GMT