@hossam.elsokay1: فيديو غريب متداول بكثافة الزوج لقى مراته قاعدة في عربية راجل غريب، والاتنين راكنين على جنب وبيفطروا بيض وطعمية وعصير ومياه معدنيه الزوج، من شدة الصدمة والعصبية، طلع الموبايل وبدأ يصور ويزعق: «إنتوا بتعملوا إيه؟ وإنت مين وبتعمل إيه مع مراتي؟ الراجل في البداية حب يعمل فيها جامد وقال له: «إنت إزاي تفتح العربية كده؟ إنت متعرفش أنا مين؟» لكن لما شاف الزوج شايط من العصبية، قلبت معاه تهدئة وقال: «والله ما أعرفها!» الزوج بص له وقال: «أمال قاعد معاها بتعمل إيه؟!» وهنا جاءت الإجابة اللي تخليك تعيد الفيديو من أوله: «معرفهاش.. بس لقيتها جعانة، فجبتلها فطار وقلت أكسب فيها ثواب!» والأغرب من كل ده إن الزوجة كانت قاعدة في هدوء تام، بتاكل وتشرب وكأن مفيش أي حاجة بتحصل! الزوج راح لها وقال: «مين ده يا مدام؟» بدل ما تحاول تشرح أو تهدي الموقف، ردت عليه بكل ثقة: «غور يلا.. في داهية!» وضربته، وخدت كيس الطعمية وكملت أكلها، بينما الزوج وقف مذهول من اللي بيحصل. الزوج قال لها: «أنا أغور؟ ماشي.. ماشي!» وسابها ومشي، لكنه رجع للراجل اللي كان «بيكسب ثواب» بفطار مراته ، وبدأت بينهم خناقة تانية، بينما الزوجة خلصت سندوتشات الطعمية في هدوء وكأنها بتتفرج على فيلم! الخلاصة: الزوج خسر مراته.. والراجل خسر فطاره.. والزوجة كسبت الطعمية#مشاهير_تيك_توك_مشاهير_العرب #explor #مصر #الشعب_الصيني_ماله_حل😂😂 #usa

Hossam elsokay

Open In TikTok:

Region: EG

Sunday 09 August 2026 19:29:55 GMT