परदेशीले घुमाउन बाँकी भनेको एउटा यो सास मात्रै छ… 🥹💔 बाँकी त सब घुमाइसक्यौँ— कहिले दुःखका गल्लीहरूमा, कहिले जिम्मेवारीका बाटोहरूमा, कहिले अभावका चोकहरूमा, कहिले आँसु लुकाउँदै मुस्कुराउनुपर्ने भीडहरूमा। आफ्नो रहरहरूलाई पछाडि छोडेर, परिवारको खुसीका लागि आफ्नो जवानी घुमाइसक्यौँ। आमाबुबाको सपना पूरा गर्ने दौडमा आफ्नै सपना कति पटक मारिसक्यौँ, त्यसको हिसाब आफैँलाई पनि थाहा छैन। परदेशले धेरै कुरा सिकायो— मान्छे चिन्न सिकायो, समय चिन्न सिकायो, पैसाको मूल्य बुझायो, तर सबैभन्दा ठूलो कुरा, आफ्नै आँसु आफैँ पुछेर हाँस्न सिकायो। आज पनि अनुहारमा हाँसो छ, तर मनभित्र हजारौँ कथा छन्। घर फर्किने रहर छ, तर परिस्थितिले हरेक दिन फेरि अर्को म्याद थपिदिन्छ। अब त लाग्छ, परदेशीले घुमाउन बाँकी भनेको एउटा यो सास मात्रै छ… बाँकी त दुःख, पीडा, संघर्ष, जिम्मेवारी र प्रतीक्षाका सबै बाटाहरू घुमाइसक्यौँ। 😭🥀 एकदिन यही परदेशीको कथा सकिनेछ, एकदिन यो थाकेको शरीर आफ्नै माटोमा पुग्नेछ, र त्यस दिन सायद कसैले सोध्ला— “कति दुःख पाएछौ परदेशमा?” त्यो दिन मुस्कुराउँदै भन्नेछु— “दुःख त धेरै पाएँ, तर आफ्नाहरूको खुसीका लागि पाएको थिएँ, त्यसैले गुनासो छैन।” 🙏🥹 लेखक : शब्दको भण्डार #🖌️शब्दको🎖️भन्डार🖌️🎖️🎸 #nepal_gajal_bachan🥇 #महाफिल_ #gajal_nepal #gajal_nepal @अदृश्य कथा @अदृश्य मन - @sabda_ko_bhandar