@imseansfiancee: POV//—Eom Seonghyeon ជាក្មេងប្រុសដ៏ពេញនិយមបំផុតនៅវិទ្យាល័យរបស់អ្នក។ Seonghyeon មានមនុស្សស្រីជាច្រើនបានសរសើរគេ ចំពោះរូបរាងរបស់គេ ហើយការពិតដែលគេលេងបាល់បោះបានបន្ថែមហេតុផលមួយទៀតសម្រាប់មនុស្សស្រីជាច្រើនចាប់អារម្មណ៍គេ ប៉ុន្តែគេមិនចាប់អារម្មណ៍នឹងពួកនាងទេ។ អ្នកជាក្មេងស្រីធម្មតា ស្រស់ស្អាត និងឆ្លាត។ ទូរបស់អ្នកនៅក្បែរទូរបស់Seonghyeon ហើយថ្ងៃនេះ ពេលកំពុងបើកវាដើម្បីយកសៀវភៅ អ្នកបានឃើញអាវរបស់Seonghyeon ដែលមានលេខ "13" នៅខាងក្រោយនៅក្នុងទូរបស់អ្នក។ អាវបាល់បោះរបស់Seonghyeon។ អ្នកមានការភ័ន្តច្រឡំ ដូច្នេះអ្នកបានព្យាយាមរកគេ ហើយប្រគល់វាទៅកាន់គេវិញ ក្នុងករណីគេបានដាក់វានៅក្នុងទូខុស។ អ្នកបានរកឃើញគេ ហើយបាននិយាយឡើងពេលកាន់អាវរបស់គេថា «អឺម ខ្ញុំគិតថាលោកបានទុកវានៅក្នុងទូខុស នោះគឺជាទូរបស់ខ្ញុំ» គេសើច ហើយនិយាយថា «អូ ទេ វាគឺសម្រាប់នាង» គេនិយាយទាំងញញឹម។ អ្នក​មាន​ការ​ភ្ញាក់ផ្អើល​យ៉ាង​ខ្លាំង ព្រោះ​វា​ជា​រឿង​មិន​នឹក​ស្មាន​ដល់​ដែល​មនុស្សប្រុសល្បី​រូប​នេះ​បាន​ឲ្យ​អ្នក​នូវ​អាវ​របស់​គេ។ «សម្រាប់ខ្ញុំ?» ស្នាមញញឹមលេងសើចស្រាលៗទាញជ្រុងបបូមាត់របស់គេ។ «ព្រោះពេលនាងមកមើលការប្រកួតយប់នេះ មែនទេ? មនុស្សគ្រប់គ្នាពាក់អាវរបស់កីឡាករដែលពួកគេកំពុងគាំទ្រ» «អូ…ប៉ុន្តែខ្ញុំ…» «ខ្ញុំបានរង់ចាំឱ្យនាងកត់សម្គាល់រឿងនេះយូរហើយ។ តើនាងនឹងចូលរួមដែរទេ?» «បាន..បើលោកជាអ្នកអញ្ជើញខ្ញុំបែបនេះ តើឱ្យខ្ញុំបដិសេដលោកបានដោយរបៀបណា?» «ល្អណាស់ ដល់ពេលនោះខ្ញុំមានរឿងសំខាន់មួយចង់ប្រាប់នាងឱ្យបានដឹង» «រឿងសំខាន់? អ្វីទៅ?» «បើY/N ចង់ដឹង ត្រួវប្រាកដថានេងមានវត្តមាននៅយប់នៃការប្រកួត។ ខ្ញុំបានផ្តល់កៅអីពិសេសសម្រាប់នាងរួចហើយ» «កៅអីពិសេសអញ្ចឹងឬ? អូ តើខ្ញុំពិសេសដល់ម្លឹងមែនទេ?» «គឺពិសេសសម្រាប់ខ្ញុំ ខ្ញុំលាសិនហើយ។ ជួបគ្នាថ្ងៃស្អែកពេលយប់នៃការប្រកួតនៅទីលានបាល់បោះ» នៅថ្ងៃស្អែកពេលសៀល​អូសបន្លាយ​យឺតៗ រាល់នាទី​អូសបន្លាយ​យូរជាង​នាទី​មុន។ ពេល​កណ្តឹង​ចុងក្រោយ​បន្លឺឡើង អ្នក​ដាក់​អាវ​ក្នុង​កាបូបស្ពាយ​របស់​អ្នក។ ហើយ​ទ្រូង​របស់​អ្នក​មាន​អារម្មណ៍​ស្រាល ស្ទើរតែ​ញ័រ ពេល​អ្នក​ដើរ​ទៅ​កន្លែង​ទីលានបាល់បោះ។ ទីលានបាល់បោះមានមនុស្សច្រើនរួចទៅហើយ នៅកៅអីអង្គុយបន្លឺសំឡេងហ៊ោកញ្ជ្រៀវ។ អ្នកឃើញកៅអីរបស់អ្នកនៅខាងមុខគេ ដូចដែលSeonghyeon និយាយ ហើយអ្នកឃើញគេងើយមុខឡើងពីការលាតសន្ធឹងខ្លួន ស្នាមញញឹមភ្លឺចែងចាំងបានរាលដាលពាសពេញមុខរបស់គេភ្លាមៗនៅពេលដែលគេឃើញអ្នក។ ឃើញបែបនេះអ្នកក៏ផ្តល់ស្នាមញញឹមតូចមួយត្រឡប់ទៅគេវិញ។ ការប្រកួតចាប់ផ្តើមយ៉ាងលឿន លទ្ធផលស្មើគ្នាពេញមួយតង់ទីមួយ។ រាល់ពេលដែលគេរត់កាត់កៅអីបម្រុង គេសម្លឹងមើលអ្នក ហើយអ្នកអាចមានអារម្មណ៍ថាថ្ពាល់របស់អ្នកឡើងកម្តៅ រាល់ពេលដែលភ្នែករបស់គេសម្លឹងមកកាន់អ្នក។ តង់ទីបីបញ្ចប់ដោយគម្លាតពិន្ទុត្រឹមតែពីរពិន្ទុរវាងក្រុមទាំងពីរ។ នៅសល់30វិនាទីទៀត នៅសល់1ពិន្ទុទៀត។ គេរត់កាត់ខ្សែការពារចុងក្រោយ លោត ហើយភ្នែករបស់គេសម្លឹងមកអ្នកមុនពេលគេលែងបាល់ វាបានហោះកាត់សំណាញ់យ៉ាងរលូន ហើយអ្នកទស្សនាក្នុងក្លឹបស្រែកហ៊ោកញ្ជ្រៀវយ៉ាងខ្លាំង។ អ្នកបានស្រែកហ៊ោជាមួយនឹងគេឯងដែរ ហើយក៏ជ្រុលមាត់និយាយ «Yes, that’s my boy~» អ្នកមិនដឹងនោះទេថាSeonghyeon គេបានឮពាក្យនេះ។ ស្នាមញញឹមដ៏កក់ក្តៅមួយលេចឡើងលើផ្ទៃមុខសង្ហារបស់គេដែលមានតែអ្នកប៉ុណ្ណោះទើបធ្វើឱ្យគេញញឹមបែបនេះ។ គេរត់យឺតៗបន្ទាប់ពីចាប់ដៃគ្នា ញើសហូរជើងតាមសក់ អាវយឺតជាប់នឹងស្មា ហើយហុចដបទឹកមួយឲ្យអ្នក មុននឹងជូតមុខដោយកន្សែង។ «ខ្ញុំបានប្រាប់Y/Nហើយថា សំណាងដែលY/N នាំមកឲ្យខ្ញុំ វានឹងដំណើរការ មែនទេ?» «មិនមែនមកពីខ្ញុំនោះទេ នោះគឺព្រោះតែលោកនិងសមាជិកក្រុមលេងបានល្អ។» «ប្រហែលជាអញ្ចឹង ប៉ុន្តែខ្ញុំលេងបានល្អគឺដោយសារតែខ្ញុំបានឃើញY/N នៅទីនេះ ពាក់អាវរបស់ខ្ញុំ» អ្នកញញឹមចំណែកថ្ពាល់ក៏ឡើងក្រហម «អឺ…មិនអាចនោះទេ» គេលូកដៃទៅ មេដៃរបស់គេប៉ះនៅលើថ្ពាល់ពណ៌ផ្កាឈូកក្តៅរបស់អ្នក។ សំឡេងរបស់គេស្រទន់ សម្រាប់តែអ្នកប៉ុណ្ណោះ។ «ឃើញទេ? ថ្ពាល់ Y/N កំពុងតែឡើងក្រហមហើយ។ ខ្ញុំនិយាយត្រូវមែនទេ?» «Seonghyeon…?» «បាទ…ខ្ញុំនៅទីនេះទេតើ មានអ្វីមែនទេ? ហ៊ឹម?» «លោកនិយាយថាមានរឿងសំខាន់ប្រាប់ខ្ញុំនោះជាអ្វី?» «Y/N ពិតជាចង់ដឹងមែនឬ?» អ្នកងក់ក្បាលផ្ងក់ៗ គេញញឹមរួចក៏តប «បើអញ្ចឹងមកតាមខ្ញុំមក» អ្នកបានដើរទៅតាមគេទាំងឆ្ងល់ ក្រោមក្រសែភ្នែកមនុស្សជាច្រើនតាមសម្លឹងមកអ្នកទាំងពីរ។ សិស្សស្រីជាច្រើនច្រណែននឹងអ្នក ពួកគេគិតថាអ្នកគឺសំណាងណាស់ដែលមានឱកាសចូលទៅក្បែរSeonghyeon ។ ប៉ុន្តែពួកគេមិនដឹងនោះទេគឺជា Seonghyeon ទៅវិញទេដែលព្យាយាមចូលមកក្បែរអ្នកនោះ។ «លោកនាំខ្ញុំមកបណ្ណាល័យធ្វើអ្វី?» «មកទីនេះហើយទើបគ្មាននរណាអាចរំខានពួកយើងទាំងពីរបាន» «បានន័យថាមិច តើមានរឿងអ្វីសំខាន់មែនទេដែលលោកចង់និយាយ?» តក្នុងខមិន💬 #seonghyeon #pov #cortis #fpyシ

Stephyeonieᢉ𐭩

Open In TikTok:

Region: KH

Monday 10 August 2026 02:16:34 GMT